ચમત્કારી ફાયદા / ધન-વૈભવ, સફળતા માટે કયો રુદ્રાક્ષ ધારણ કરવો જોઈએ: જાણો તમામ પ્રકારના રુદ્રાક્ષના લાભ

• શાસ્ત્રો અનુસાર રૂદ્રાક્ષની ઉત્પત્તિ શિવના આંસુમાંથી થઈ 
• રુદ્રાક્ષની આપણા જીવન પર ખુબ જ ઊંડી અસર પડે છે
• રૂદ્રાક્ષની શ્રેણી એક મુખીથી લઈને એકવીસ મુખી સુધી હોય 
• વ્યક્તિ રુદ્રાક્ષ ધારણ કરે છે તેના જીવનમાંથી ભય સમાપ્ત થાય 

સનાતન ધર્મમાં રૂદ્રાક્ષનું વિશેષ મહત્વ છે. રુદ્રાક્ષ એ કુદરત દ્વારા વરદાન સ્વરૂપે આપેલું એકમાત્ર ફળ છે.જે અર્થ, ધર્મ, કામ અને મોક્ષની પ્રાપ્તિમાં ફાયદાકારક માનવામાં આવે છે. શાસ્ત્રો અનુસાર રૂદ્રાક્ષની ઉત્પત્તિ શિવના આંસુમાંથી થઈ છે. રુદ્રાક્ષની આપણા જીવન પર ઊંડી અસર પડે છે. વિવિધ મનોકામનાઓની પૂર્તિ માટે વિવિધ પ્રકારના રુદ્રાક્ષ ધારણ કરવા જોઈએ. રૂદ્રાક્ષની શ્રેણી એક મુખીથી લઈને એકવીસ મુખી સુધી હોય છે. પરંતુ જાણકારીના અભાવે લોકો કોઈ પણ જાતની જાણકારી વગર કોઈપણ રુદ્રાક્ષ ધારણ કરે છે. જો રુદ્રાક્ષ અસલી હોય અને તેને યોગ્ય રીતે પહેરવામાં આવે તો વ્યક્તિના જીવનમાં ખુશીઓ વ્યાપી જાય છે. ધનનો ભંડાર ભરાઈ જાય છે અને જીવનમાં અપાર સફળતા મળે છે. જે વ્યક્તિ રુદ્રાક્ષ ધારણ કરે છે તેના જીવનમાંથી ભય સમાપ્ત થાય છે. અલગ-અલગ સંખ્યાના મુખવાળા રૂદ્રાક્ષના અલગ-અલગ ફાયદા છે.

એક મુખી રુદ્રાક્ષ 

એક મુખી રુદ્રાક્ષ ધારણ કરવાથી ઘણા સ્વાસ્થ્ય લાભ મળે છે. બ્લડ પ્રેશર, માથાનો દુખાવો, આંખો અથવા હાડકાં સંબંધિત શારીરિક સમસ્યાઓ માટે એક મુખી રુદ્રાક્ષ ધારણ કરો. એક મુખી રુદ્રાક્ષ ધારણ કરનાર વ્યક્તિના જીવનમાં આત્મવિશ્વાસ વધે છે. જેના કારણે તે સારા નિર્ણય લેવામાં સક્ષમ બને છે.

બે મુખી રુદ્રાક્ષ 

જે લોકો માનસિક રીતે નબળા અને પરેશાન હોય તેમણે બે મુખી રુદ્રાક્ષ ધારણ કરવા જોઈએ. બે મુખી રુદ્રાક્ષ કુંડળીમાં ચંદ્રને બળવાન બનાવે છે. જેના કારણે વ્યક્તિને માનસિક શાંતિ મળે છે.

ત્રણ મુખી રુદ્રાક્ષ 

અભ્યાસ કરતા વિદ્યાર્થીઓએ પોતાના મંગળને બળવાન કરવા માટે ત્રણ મુખી રુદ્રાક્ષ ધારણ કરવા જોઈએ. જેના કારણે શારીરિક શક્તિ પણ વધે છે અને ચહેરા પર એક અલગ જ ચમક જોવા મળે છે.

ચાર મુખી રુદ્રાક્ષ 

એવું માનવામાં આવે છે કે ચાર મુખવાળા રુદ્રાક્ષ ભગવાન બ્રહ્માનું સ્વરૂપ છે. જ્ઞાન અને બુદ્ધિમાં વધારો કરવાની સાથે તે મનુષ્યને ધર્મ, અર્થ, કામ અને મોક્ષ પણ પ્રદાન કરે છે. બુધ નબળો હોય ત્યારે ચારમુખી રુદ્રાક્ષ ધારણ કરવો જોઈએ.

પંચમુખી રુદ્રાક્ષ 

જીવનમાં સુખ, સમૃદ્ધિ અને ઐશ્વર્ય મેળવવા માટે પંચમુખી રુદ્રાક્ષ ધારણ કરવો જોઈએ. તેનાથી તમારા જીવનમાં સમૃદ્ધિ આવશે અને ગુરુ તમારી રાશિમાં બળવાન બનશે. જ્યારે ગુરુ ગ્રહ બળવાન હોય છે, ત્યારે વ્યક્તિના જીવનમાંથી તણાવ દૂર થાય છે અને તેને બાળકોની ખુશી માટે પણ સમય મળે છે.