ઘરવાપસી / આજે શિયા વકફ બોર્ડના પૂર્વ ચેરમેન વસીમ રીઝવી ઇસ્લામ છોડી હિન્દુ ધર્મ અપનાવશે, ઇસ્લામ અંગે શું કહ્યું જુઓ

• વસીમ રિઝવી આજે હિન્દુ ધર્મ સ્વીકારશે
• શિયા વક્ફ બોર્ડના પૂર્વ અધ્યક્ષ
• રિઝવીના પુસ્તકને લઈને વિવાદ

શિયા વક્ફ બોર્ડના પૂર્વ અધ્યક્ષ વસીમ રિઝવી આજે સોમવારે ઈસ્લામ ધર્મ છોડીને હિંદુ ધર્મ અપનાવવા જઈ રહ્યા છે. 

કુરાનની કલમો હટાવવા માટે સુપ્રીમ કોર્ટમાં અરજી કરનાર વસીમ રિઝવી આજે હિન્દુ ધર્મ સ્વીકારશે. ઉત્તર પ્રદેશના ગાઝિયાબાદમાં આવેલા શિવશક્તિ ધામના દશના દેવી મંદિરના મહંત યતિ નરસિંહાનંદ ગિરી મહારાજ વસીમ રિઝવીને સનાતન ધર્મ સ્વીકાર કરાવશે.

વસીમ રિઝવી આજે હિન્દુ ધર્મ સ્વીકારશે
જણાવી દઈએ કે વસીમ રિઝવી ત્યારે ચર્ચામાં આવ્યા હતા જ્યારે તેમણે કુરાનની આયતોને હટાવવા માટે સુપ્રીમ કોર્ટમાં અરજી કરી હતી. જે બાદ અનેક લઘુમતી સંગઠનોએ તેનો વિરોધ કર્યો હતો. 

આ પછી વસીમ રિઝવીના પુસ્તકને લઈને ઘણો વિવાદ થયો હતો. વસીમ રિઝવી આજે સવારે 10.30 કલાકે ગાઝિયાબાદના દશના દેવી મંદિરમાં હિન્દુ ધર્મ સ્વીકારશે.

વસીમ રિઝવીની મરજી
થોડા સમય પહેલા વસીમ રિઝવીએ પણ પોતાની વસિયતમાં લખ્યું હતું કે મૃત્યુ બાદ તેમને દફનાવવાના બદલે હિંદુ રીતિ-રિવાજ પ્રમાણે તેમના અંતિમ સંસ્કાર કરવામાં આવે. જોકે, મુસ્લિમ સમુદાયનું કહેવું છે કે તેને ઈસ્લામ અને શિયા સાથે કોઈ લેવાદેવા નથી.

કટ્ટરપંથીઓએ વસીમ રિઝવીને આપી ધમકી
નોંધનીય છે કે થોડા દિવસો પહેલા વસીમ રિઝવીએ એક વીડિયો પણ જાહેર કર્યો હતો, જેમાં તેણે જણાવ્યું હતું કે તેઓને મારવાનું ષડયંત્ર રચવામાં આવી રહ્યું છે. કટ્ટરવાદીઓ તેની ગરદન કાપવા માંગે છે. તેણે કુરાનની 26 આયતો વિરુદ્ધ સુપ્રીમ કોર્ટમાં અરજી કરી છે, તેથી જ આવું કરવામાં આવી રહ્યું છે. તેમને મારી નાખવાની જાહેરાત કરવામાં આવી છે.

આ ઉપરાંત તેમણે કહ્યું હતું કે તે લોકો કહે છે કે તેઓ તેમને કબ્રસ્તાનમાં દફનાવવા માટે જગ્યા નહીં આપે. એટલા માટે તેમણે કહ્યું છે કે તેમના મૃત્યુ પછી તેમના અંતિમ સંસ્કાર કરવામાં આવે. માત્ર મહંત યતિ નરસિમ્હાનંદ ગિરી મહારાજે જ તેમની ચિતાને અગ્નિદાહ આપવો જોઈએ એવો તેમણે આગ્રહ કર્યો હતો