કિંમત ઘટી / TATA ની ગાડી લેવાનું ઈચ્છતા હોય તો ગુડ ન્યૂઝ! આ બે કારની કિંમતમાં 1.20 લાખ રૂપિયાનો ઘટાડો

• ટાટાએ તેની બે કારની કિંમતોમાં મોટો ઘટાડો જાહેર કર્યો છે 
• કંપનીએ એક કારમાં 1 લાખ રૂપિયાથી વધુનો ઘટાડો કર્યો છે
• તાજેતરના સમયમાં બેટરીના ભાવમાં ઘટાડો થયો છે.

જ્યારે ઘણી કંપનીઓએ નવા વર્ષમાં તેમની કારની કિંમતોમાં વધારો કર્યો હતો, ત્યારે ટાટાએ તેની બે બેસ્ટ સેલર EV કારના ભાવમાં મોટો ઘટાડો જાહેર કર્યો છે. ટાટા દ્વારા જે કારની કિંમતમાં ઘટાડો કરવામાં આવ્યો છે તેમાં Nexon EV અને Tiago EVનો સમાવેશ થાય છે. કંપનીએ એક કારમાં 1 લાખ રૂપિયાથી વધુનો ઘટાડો કર્યો છે, જ્યારે બીજી કારમાં એમને 50 હજાર રૂપિયાથી વધુનો ઘટાડો કર્યો છે. કંપનીએ તેનું કારણ પણ આપ્યું છે. 

ટાટાની નેક્સોન એ કાર છે જે તેની સૌથી વધુ વેચાતી કાર છે. તેવી જ રીતે, Tiago EV પણ કંપનીની ખૂબ જ વેચાતી કાર રહી છે. જ્યાં કંપનીએ TATA Nexon EVની કિંમતોમાં 1.20 લાખ રૂપિયાનો ઘટાડો કર્યો છે. કિંમતોમાં આ ઘટાડા પછી, TATA Nexon EV ના બેઝ મોડલની કિંમત હવે ઘટીને 14.99 લાખ રૂપિયા થઈ ગઈ છે. જ્યારે તેનું લોંગ રેન્જ વર્ઝન 16.99 લાખ રૂપિયામાં ખરીદી શકાય છે.

તેવી જ રીતે Tiago EVની કિંમતમાં 70 હજાર રૂપિયાનો ઘટાડો કરવામાં આવ્યો છે. આ પછી કારની કિંમત 7.99 લાખ રૂપિયા થઈ ગઈ છે. તેના EV સેક્શનની બે કારની કિંમતમાં ઘટાડો કર્યા બાદ ટાટાએ કહ્યું કે તે દેશમાં ઇલેક્ટ્રિક કારનું વેચાણ વધારવા માંગે છે, તેથી તેણે આ પગલું ભર્યું છે. 

આ ઘટાડા અંગે ટીપીઈએમના ચીફ કોમર્શિયલ ઓફિસર વિવેક શ્રીવત્સે જણાવ્યું હતું કે બેટરીની કિંમત કારની કિંમતનો મુખ્ય ભાગ છે. તેમણે કહ્યું કે તાજેતરના સમયમાં બેટરીના ભાવમાં ઘટાડો થયો છે. કંપનીએ આગામી દિવસોમાં તેના ઘટાડાની શક્યતાને ધ્યાનમાં રાખીને આ પગલું ભર્યું છે. કંપનીએ આ લાભ તેના ગ્રાહકો સુધી પહોંચાડવાનું નક્કી કર્યું છે. તેમણે એમ પણ કહ્યું કે છેલ્લા કેટલાક વર્ષોમાં ઇલેક્ટ્રિક કારનો વ્યાપ વધ્યો છે અને અમે તેને વધુ વિસ્તારવા માંગીએ છીએ. તેમણે કહ્યું કે અમારું મિશન EVને દરેક ઘર સુધી પહોંચાડવાનું છે.