- વિરાટ કોહલીનો આજે 35મો જન્મદિવસ
- ગંભીરે તેનો એવોર્ડ કોહલીને આપ્યો હતો
- કોહલીએ કેરિયરની શરૂઆત શ્રીલંકાની ટીમ સામે કરી હતી
Virat Kohli Birthday: ટીમ ઈન્ડિયાનો સ્ટાર બેટ્સમેન વિરાટ કોહલી 35 વર્ષનો થઈ ગયો છે. તે આજે 5 નવેમ્બરના રોજ પોતાનો જન્મદિવસ ઉજવી રહ્યો છે. કિંગ કોહલી વર્તમાનમાં વર્લ્ડ કપમાં શાનદાર બેટિંગ કરતો જોવા મળી રહ્યો છે અને જે સદીની નજીક પહોંચી આઉટ થઈ રહ્યો છે.
ગંભીરે એવોર્ડ કોહલીના નામે કર્યો
વન ડેમાં તે સદી ફટકારતાની સાથે જ તે સચિન તેંડુલકરના 49 સદીના વર્લ્ડ રેકોર્ડની બરાબરી કરી લેશે. જેની ચાહકો આતુરતાથી રાહ જોઈ રહ્યા છે. કોહલી અને શતકનો સંબંધ લગભગ 14 વર્ષ પહેલા જ શરૂ થઈ ગયો હતો.ખાસ વાત એ છે કે, કોહલીએ પોતાની કારકિર્દીની પ્રથમ સદી ફટકારી હતી 14 વર્ષ પહેલા ફટકારી હતી પરંતુ મેન ઓફ ધ મેચનો એવોર્ડ ગૌતમ ગંભીરને આપવામાં આવ્યો હતો અને જે ગંભીરે પોતાનો એવોર્ડ વિરાટ કોહલીના નામે કર્યો હતો. ચાલો જાણીએ ખાસ વાત
શ્રીલંકા સામે સદી ફટકારી
કિંગ કોહલીએ 2008માં આંતરરાષ્ટ્રીય કરિયરની શરૂઆત કરી હતી. વર્ષ 2008માં શ્રીલંકા સામે ડેબ્યૂ કર્યું હતું. તે વર્ષે 5 મેચ રમવા છતાં તે સદી ફટકારી શક્યો નહોતો. આ પછી વર્ષ 2009માં નવેમ્બર સુધી સદી ફટકારી શક્યો ન હતો.જ્યારે ડિસેમ્બરમાં શ્રીલંકાની ટીમ ભારતના પ્રવાસે આવી હતી ત્યારે કિંગ કોહલીને આ તક મળી હતી.
ગંભીર અને કોહલીની ભાગીદારી
24 ડિસેમ્બર 2009ના રોજ ઈડન ગાર્ડન્સ ખાતે રમાયેલી ચોથી વન ડેમાં તેણે શાનદાર બેટિંગ કરીને સદી ફટકારી હતી. કોહલીએ 114 બોલમાં 11 ચોગ્ગા અને 1 છગ્ગાની સાથે 107 રન બનાવ્યા હતા. જ્યારે બીજી બાજુ ગૌતમ ગંભીરે પણ શાનદાર બેટિંગ કરી હતી અને 137 બોલમાં 14 ચોગ્ગાની મદદથી અણનમ 150 રન બનાવ્યા હતા. જે મેચમાં ગંભીર અને કોહલી વચ્ચે 224 રનની ભાગીદારી થઈ હતી. શ્રીલંકાના 316 રનના લક્ષ્યાંકમાં ભારતીય બેટ્સમેનોએ માત્ર 48.1 ઓવરમાં 7 વિકેટે મેચ જીતી લીધી હતી.
આ શાનદાર બેટિંગ બાદ ગૌતમ ગંભીરને મેન ઓફ ધ મેચ તરીકે પસંદ કરવામાં આવ્યો હતો. જ્યારે તેણે વિરાટ કોહલીને એવોર્ડ આપવાની જાહેરાત કરી હતી. કોહલીને મેન ઓફ ધ મેચ એવોર્ડ તરીકે 1 લાખ રૂપિયા અને એક નવો કાર્બન મોબાઈલ ગિફ્ટમાં આપવામાં આવ્યો હતો. જે બાદ તે ખૂબ જ ખુશ જોવા મળ્યો હતો.
