હૃદયસ્પર્શી / VIDEO : ખેડૂતે રોતાં રોતાં વરસાદથી મગફળી બચાવી, હવે સીધો આવ્યો કૃષિ મંત્રીનો ફોન, વીડિયો વાયરલ

સોશિયલ મીડિયા પર વાયરલ થયેલા મહારાષ્ટ્રના ખેડૂતનો વીડિયોની નોઁધ કેન્દ્રીય કૃષિ મંત્રી શિવરાજ સિંહ ચૌહાણે લીધી છે. વીડિયોમાં દેખાતો ખેડૂત ગૌરવ પંવાર વાશિમના બજારમાં પોતાનો મગફળીનો પાક લઈને આવ્યો હતો ત્યારે વરસાદ શરૂ થયો. જ્યારે વરસાદે તેની મહેનતથી કમાયેલી ઉપજને બગાડવાનું શરૂ કર્યું, ત્યારે પંવાર ખુલ્લા હાથે મગફળીને વરસાદથી પલળી અટકાવવા હાથનો ઉપયોગ કરતો જોવા મળ્યો હતો.

ખેડૂતને મળશે નુકશાનીના પૈસા

આ કરુણ દ્રશ્યથી કેન્દ્રીય કૃષિ મંત્રી સ્તબ્ધ થઈ ગયા, જેમણે ખેડૂતને ફોન કરીને ખાતરી આપી કે તેના નુકસાનની ભરપાઈ કરવામાં આવશે. કેન્દ્રીય મંત્રી શિવરાજ ચૌહાણે ગૌરવ સાથેની વાતચીતનો વીડિયો શેર કર્યો. શિવરાજે લખ્યું કે વીડિયો જોઈને મને દુઃખ થયું. પણ ચિંતા ના કરો. મહારાષ્ટ્ર સરકાર ખેડૂતોના મુદ્દા પ્રત્યે ખૂબ જ સંવેદનશીલ છે. મેં મહારાષ્ટ્રના મુખ્યમંત્રી દેવેન્દ્ર ફડણવીસ અને રાજ્યના કૃષિ મંત્રી સાથે વાત કરી છે. મેં કલેક્ટર સાથે પણ વાત કરી છે. જે પણ નુકસાન થયું છે તેનું વળતર આપવામાં આવશે જેથી તમને અને તમારા પરિવારને કોઈ મુશ્કેલીનો સામનો નહીં કરવો પડે.

વધુ વાંચો : VIDEO : પાકિસ્તાની એંકર લાઈવ ટીવી પર બોલી 'વીર્ય સ્ખલન' ન થયું, પબ્લિક-'બહુ પોર્ન જોતી લાગે છે'

જયંત પાટીલે પણ દુખદ વીડિયોની નોંધ લીધી

એનસીપી (શરદ પવાર) ના પ્રમુખ જયંત પાટીલે પણ આ દુ:ખદ વીડિયોનો ઉલ્લેખ કર્યો હતો અને રાજ્ય સરકારને અસરગ્રસ્ત ખેડૂતોને રાહત અને સહાય પૂરી પાડવા માટે ઝડપી પગલાં લેવા વિનંતી કરી હતી. તેમણે કહ્યું કે રાજ્યમાં ભારે કમોસમી વરસાદ પડી રહ્યો છે, જેમાં અનેક વિસ્તારોમાં કરા પડ્યા છે. આનાથી પાકને નોંધપાત્ર નુકસાન થયું છે, અને હવામાન વિભાગે આગામી દિવસોમાં વધુ વરસાદની આગાહી કરી છે. હું સરકારને અસરગ્રસ્ત ખેડૂતોને તાત્કાલિક સહાય પૂરી પાડવા વિનંતી કરું છું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ