તમારા કામનું / તમારી પાસે કયું SIM કાર્ડ છે? આ કંપનીએ ગુજરાતમાં મોંઘું કર્યું રિચાર્જ, ઓછી કરી નાંખી વેલિડિટી

• આ ટેલિકોમ કંપની ગ્રાહકો પાસેથી વધુ પૈસા વસૂલવાના મૂડમાં
• પ્રીપેડ પ્લાનની વેલિડિટી ઘટાડીને ગ્રાહકોને ઝટકો આપ્યો
• તાજેતરમાં ગુજરાત અને મુંબઈ સર્કલમાં બે પ્લાનની વેલિડિટી ઘટાડી

ટેલિકોમ કંપની વોડાફોન આઈડિયા હવે ગ્રાહકો પાસેથી વધુ પૈસા વસૂલવાના મૂડમાં છે. કંપની તેના પ્રીપેડ પ્લાનની વેલિડિટી ઘટાડીને ગ્રાહકોને ઝટકો આપ્યો છે. વોડાફોન આઈડિયાએ દિલ્હીમાં તેના ન્યૂનતમ રિચાર્જ પ્લાનની વેલિડિટી ઘટાડી દીધી છે. અગાઉ, કંપનીએ મુંબઈ અને ગુજરાતમાં પણ પ્લાનની વેલિડિટી ઘટાડી હતી.

વોડાફોન આઈડિયા કંપનીએ તાજેતરમાં ગુજરાત અને મુંબઈ સર્કલમાં બે પ્લાનની વેલિડિટી ઘટાડી હતી, હવે કંપનીએ દિલ્હીના રહેવાસીઓને એવો જ ફટકો આપ્યો છે. Vi એ દિલ્હીમાં પણ તેના બે પ્રીપેડ પ્લાનની વેલિડિટી લગભગ અડધી કરી દીધી છે. આ સાથે કંપનીએ ચાર નવા પ્લાન રજૂ કર્યા છે, જે દિલ્હી, મુંબઈ અને ગુજરાતમાં ઉપલબ્ધ છે. 

યુઝર્સને હવે Viના સૌથી ઓછી કિંમતના પ્લાનમાં ઓછી વેલિડિટી મળશે. જણાવી દઈએ કે કંપનીએ દિલ્હીમાં રૂ. 99 બેઝ પ્લાનની વેલિડિટી ઘટાડી દીધી છે. Vi યુઝર્સને હવે 99 રૂપિયાના રિચાર્જ પર 15 દિવસની વેલિડિટી મળશે. આ પ્લાનમાં યુઝર્સને પહેલા 28 દિવસની વેલિડિટી મળે છે. યુઝર્સને હવે પહેલા કરતા અડધી વેલિડિટી મળવા જઈ રહી છે. 

128 રૂપિયાના પ્લાનની વેલિડિટી ઘટાડી દેવામાં આવી છે.
કંપનીએ માત્ર 99 રૂપિયાના પ્લાનની જ નહીં પરંતુ 128 રૂપિયાના પ્લાનની વેલિડિટી પણ ઘટાડી છે. આ પ્લાનમાં ગ્રાહકોને હવે માત્ર 18 દિવસની વેલિડિટી મળે છે. જો તેની પહેલાની ઓફરની વાત કરીએ તો યુઝર્સને આમાં 28 દિવસની વેલિડિટી મળતી હતી. યુઝર્સને 10 દિવસની ઓછી વેલિડિટી મળી રહી છે. 

જણાવી દઈએ કે 99 રૂપિયાના પ્લાનમાં યૂઝર્સને 200MB ડેટા મળે છે જ્યારે ફુલ 99 રૂપિયાનો ટોક ટાઈમ આપવામાં આવે છે. બીજી તરફ, 128 રૂપિયાના પ્લાનમાં 10 લોકલ નેટ નાઇટ મિનિટ્સ અને તમામ લોકલ/નેશનલ કૉલ્સ 2.5 પૈસા પ્રતિ સેકન્ડના દરે વસૂલવામાં આવે છે. ધ્યાનમાં રાખો કે રાત્રે 11 વાગ્યાથી સવારે 6 વાગ્યા સુધી જ નાઈટ મિનિટ્સનો લાભ લઈ શકાશે.