વાસ્તુદોષ / શું ઘરમાં માછલી કે ઘોડાની તસવીર રાખવાથી થાય છે આર્થિક વૃદ્ધિ? જાણો પૈસાની આવક વધારવા માટેના વાસ્તુના ઉપાયો

• મહેનત કરવા છતાં સફળતા મળતી નથી
• આવક કરતા ખર્ચો વધારે થાય છે
• અયોગ્ય વાસ્તુને કારણે નકારાત્મક ઊર્જાનો સંચાર થાય છે

અનેક વાર વ્યક્તિ મહેનત કરે તેમ છતાં સફળતા મળતી નથી. આજના સમયમાં આવક કરતા ખર્ચો વધારે થાય છે. અનેક વાર તે માટે વાસ્તુદોષ જવાબદાર હોય છે. અયોગ્ય વાસ્તુને કારણે નકારાત્મક ઊર્જાનો સંચાર થાય છે. ઘરમાં સભ્યો વચ્ચે મતભેદ, બિમારી અને નાણાંકીય પરેશાનીનો સામનો કરવો પડે છે. 

આર્થિક સ્થિરતા માટે ઉપાય
જ્યોતિષ શાસ્ત્ર અનુસાર આર્થિક સ્થિરતા માટે ધનને દક્ષિણ-પશ્ચિમ ખૂણામાં રાખવું જોઈએ. આ દિશામં તિજોરી, સોના-ચાંદી રાખી શકાય છે. આ દિશા પૃથ્વી તત્ત્વને દર્શાવે છે. આ દિશામાં વસ્તુ રાખવાથી તમામ બાબતે અનેકગણું ફળ પ્રાપ્ત થાય છે. નાણાં ક્યારેય પણ પશ્ચિમ અથવા દક્ષિણ દિશામાં ના રાખવા જોઈએ, નહીંતર આર્થિક તંગીનો સામનો કરવો પડી શકે છે. 

ઈશાન ખૂણામાં એક્વેરિયમ રાખો
ઘરના ઈશાન ખૂણામાં એક્વેરિયમ રાખવું તે શુભ માનવામાં આવે છે. આ દિશામાં દેવી અને દેવતાઓનો વાસ હોય છે અને આ દિશાનું ખાસ મહત્ત્વ હોય છે. આ દિશા ક્યારેય પણ ખરાબ ના રાખવી જોઈએ, નહીંતર દેવી દેવતા નારાજ થઈ શકે છે. 

આ દિશા ખાલી ના રાખવી
ઘરના મધ્ય ભાગને બ્રહ્મ સ્તાન કહેવામાં આવે છે. આ સ્થાનને ઈશાન ખૂણાની જેમ સ્વચ્છ રાખવી જોઈએ. આ સ્થળ પર સોફો, ટેબલ અને ભારે સામાન રાખી શકો છો. આ પ્રકારે કરવાતી પરિવારના સભ્યો વચ્ચે પ્રેમ જળવાઈ રહે છે અને સારા આરોગ્યની પ્રાપ્તિ થાય છે. 

આ દિશામાં ઘોડાના ફોટો રાખો
પેઈન્ટિંગ કરવાથી ઘરમાં સકારાત્મકતાનો સંચાર થાય છે. વાસ્તુશાસ્ત્ર અનુસાર ઘોડાની પેઈન્ટિંગ યોગ્ય દિશામાં રાખવાથી ધન અને સમૃદ્ધિ આકર્ષિત થાય છે. જે માટે સાત ઘોડાની તસવીર લિવિંગ રૂમની પૂર્વ દિશાની દીવાલ પર લગાવવી જોઈએ. આ પ્રકારે કરવાથી ઘરનું વાતાવરણ સુખમયી અને શાંત રહેશે ઉપરાંત નવી તક પણ પ્રાપ્ત થશે.