વાસ્તુ ટિપ્સ / ઘરમાં ભૂલથી પણ ન રાખતા આ છોડવા કે ઝાડ, નહીં તો છીનવાઇ જશે સુખ-શાંતિ, જાણો શું કહે છે વાસ્તુ શાસ્ત્ર

• ઘરમાં રાખેલ તમામ વસ્તુથી વ્યક્તિના જીવન પર તમામ અસર થાય છે
• ઘરમાં બિલકુલ પણ ના લગાવશો આ છોડ
• આ છોડ લગાવવાથી ઘરમાં દુર્ભાગ્ય અને કંગાળી આવવા લાગે છે

વાસ્તુ શાસ્ત્રમાં સકારાત્મક અને નકારાત્મક ઊર્જાનું વિશેષ મહત્ત્વ છે. ઘરમાં રાખેલ તમામ વસ્તુથી વ્યક્તિના જીવન પર તમામ અસર થાય છે. વાસ્તુમાં ફૂલ છોડથી લઈને તમામ વસ્તુની નિશ્ચિત દિશા બતાવવામાં આવી છે. આ વાસ્તુ નિયમોનું પાલન કરવાથી ઘરના તમામ સભ્યો પર નકારાત્મક અસર થાય છે. વાસ્તુ શાસ્ત્ર અનુસાર ઘરમાં અમુક ફૂલ છોડ બિલ્કુલ પણ ના લગાવવા જોઈએ. આ છોડ લગાવવાથી ઘરમાં દુર્ભાગ્ય અને કંગાળી આવવા લાગે છે. ઘરમાં કયા છોડ લગાવવા અને કયા છોડ ના લગાવવા તે અંગે અહીંયા વિગતવાર જાણકારી આપવામાં આવી છે. 

ઘરમાં આ ફૂલ છોડ ના લગાવવા

• ઘરમાં ભૂલથી પણ ખજૂરનું ઝાડ ના લગાવવું જોઈએ, જે અશુભ માનવામાં આવે છે. આ છોડ ખૂબ જ સુંદર લાગે છે, પરંતુ માનવામાં આવે છે કે, આ છોડ લગાવવાથી ઘરના સભ્યો પર દેવાનું ભારણ વધે છે. 
• વાસ્તુ શાસ્ત્ર અનુસાર ઘરમાં આંબલીનું ઝાડ ના લગાવવું જોઈએ, નહીંતર ઘરમાં નકારાત્મકતા આવે છે. આ ઝાડ લગાવવાથી ઘરમાં ડર અને ભયનો માહોલ બને છે. આ કારણોસર ઘરમાં આ છોડ ના લગાવવો જોઈએ. 
• ઘરમાં પીપળાનો છોડ ના લગાવવો જોઈએ. વાસ્તુ અનુસાર આ છોડ લગાવવાથી નકારાત્મક ઊર્જાનો સંચાર થાય છે. ઘરની દીવાલ અથવા કોઈ ખૂણામાં પીપળાનો છોડ ઉગી જાય તો કાઢી નાખવું જોઈએ. 
• ઘરમાં ફૂલ છોડ સુકાઈ જાય તો તેને કાઢી નાખવા જોઈએ. વાસ્તુ અનુસાર છોડ સુકાયેલા હોય તો તેને કાઢી નાખવા જોઈએ, નહીંતર ઘરમાં ઉદાસી આવે છે અને નકારાત્મક ઊર્જાનો સંચાર થાય છે. 
• ઘર શણગારવા માટે બોનસાઈ છોડ રાખવાનું ચલણ વધી ગયું છે. આ છોડ દેખાવમાં સુંદર હોય છે અને ઘરમાં નકારાત્મક ઊર્જાનો પ્રભાવ પડે છે તથા પ્રગતિમાં અડચણ આવે છે. 
• મહેંદીના છોડમાં નકારાત્મક શક્તિ રહેલી હોય છે. આ છોડ ઘરમાં લગાવવાને કારણે નકારાત્મક ઊર્જાનો સંચાર થાય છે તથા સુખ-શાંતિમાં ભંગ પડે છે. 
• શાસ્ત્રોમાં બાવળનો છોડ લગાવવાને કારણે વાદ વિવાદ વધે છે. જેના કારણે પરિવારન સભ્યો માનસિકરૂપે બિમાર થવા લાગે છે, ઘરની આસપાસનું વાતાવરણ અશુભ થઈ જાય છે. 
• ઘરની આસપાસની જગ્યાએ કાંટેદાર છોડ ના લગાવવા જોઈએ. નહીંતર ઘરમાં તણાવ ઉત્પન્ન થાય છે. મતભેદ વધવા લાગે છે અને બરબાદીનું કારણ બને છે.