વાસ્તુ ટિપ્સ / ડ્રોઈંગ રૂમ કે ઘરના અન્ય સ્થાનનો રંગ વાસ્તુ શાસ્ત્ર મુજબ કરો પસંદ, પરિવારમાં છવાઈ જશે ખુશીઓ

• ડ્રોઈંગ રૂમની રચના કેવી હોવી જોઈએ, તે અંગે વાસ્તુ શાસ્ત્રમાં જણાવવામાં આવ્યું છે
• ડ્રોઈંગ રૂમનું એક અલગ મહત્ત્વ અને સ્થાન હોય છે
• બેઠક રૂમમાં રંગની પસંદગી કરતા સમયે અન્ય લોકોની પસંદ અને નાપસંદનું ધ્યાન રાખવું

ડ્રોઈંગ રૂમની રચના કેવી હોવી જોઈએ, તે અંગે વાસ્તુ શાસ્ત્રમાં જણાવવામાં આવ્યું છે. ડ્રોઈંગ રૂમનું એક અલગ મહત્ત્વ અને સ્થાન હોય છે, જ્યાં બેસીને અન્ય લોકો સાથે આરામથી વાતો કરવામાં આવે છે. જ્યારે પણ કોઈ મહેમાન કે પાડોશી આવે છે, તો તેમને બેઠક રૂમમાં બેસાડવામાં આવે છે. આ કારણોસર બેઠક રૂમમાં રંગની પસંદગી કરતા સમયે અન્ય લોકોની પણ પસંદ અને નાપસંદનું ધ્યાન રાખવું જોઈએ. બેઠક રૂમમાં એવો રંગ હોવો જોઈએ, જેથી તે ઈંટીરિયર સાથે મેચ થાય. વાસ્તુ શાસ્ત્ર અનુસાર બેઠક રૂમમાં સફેદ, ગુલાબી, પીળો, ક્રીમ આછો ભૂરો અથવા આછા વાદળી રંગ હોવો જોઈએ. 

સ્ટડી રૂમ કલર
વાસ્તુ શાસ્ત્ર અનુસાર સ્ટડી રૂમમાં ક્રીમ કલર, આછો જાંબલી, આછો લીલો, આસમાની, પીળો, બદામી અથવા ભૂરા રંગની પસંદગી કરવી જોઈએ. વાસ્તુ શાસ્ત્રની દ્રષ્ટીએ આછા રંગને શુભ માનવામાં આવે છે, જેમાં પીળા રંગનું વિશેષ મહત્ત્વ રહેલુ છે. આ રંગ બાળકોની ક્ષમતામાં વૃદ્ધિ કરવામાં મદદરૂપ થાય છે. 

પૂજા ઘર કલર
વાસ્તુ શાસ્ત્ર અનુસાર પૂજા ઘરની દીવાલો પર આછો પીળો અથવા ગેરુઆ રંગ કરાવવો જોઈએ. જમીન પર આછો પીળા અથવા સફેદ કલરના પત્થરની પસંદગી કરવી જોઈએ. 

ડાઈનિંગ રૂમ કલર
વાસ્તુ શાસ્ત્ર અનુસાર ડાઈનિંગ રૂમમાં આછો લીલો, ગુલાબી, આસમાની, નારંગી, ક્રીમ અથવા આછા પીળા રંગનો ઉપયોગ કરવો જોઈએ. ભોજન કરતા સમયે આછા રંગને જોવામાં આવે તો મન પ્રફુલ્લિત રહે છે. ડાઈનિંગ રૂમમાં કાળો કલર બિલ્કુલ પણ ના કરાવવો જોઈએ.