બ્રેકિંગ ન્યુઝ
સોનાના ભાવમાં ફરી થયો ઘટાડો
ગુજરાતમાં ગરમીનો પ્રકોપ, 41.4 ડિગ્રી તાપમાન સાથે મહુવા સૌથી ગરમ
ચાર ધામ યાત્રાને લઇ સરકારે કરી ગાઇડલાઇન જાહેર
આણંદના બોરસદના બોચાસણમાં ટ્રાન્સફોર્મરમાં બ્લાસ્ટ થતા ડીપીમાં લાગી ભયંકર આગ, છવાયો અંધારપટ
ક્ષત્રિય સમાજના આગેવાનો સાથે ભાજપ પ્રદેશ પ્રમુખની બેઠક, ગાંધીનગરમાં ભાજપ કાર્યાલય ખાતે બેઠક, સી.આર.પાટીલ અને ક્ષત્રિય આગેવાનો સાથે બેઠક
રાજનાથ સિંહ ગુજરાતની મુલાકાતે, રાહુલ ગાંધીની વિવાદીત ટીપ્પણીથી લઈને ક્ષત્રિય સમાજના વિરોધ મામલે કરી વાત
VTV / ગુજરાત / વડોદરા / Vadodara city BJP president termed the allegations made by Jyotiben Pandya as baseless
Dinesh
Last Updated: 10:38 PM, 14 March 2024
ભાજપે વડોદરા લોકસભા બેઠક પર વર્તમાન સાંસદ રંજનબેન ભટ્ટને સતત ત્રીજી ટર્મ માટે ટિકિટ આપતા પક્ષમાં અસંતોષ શરૂ થયો છે. મહિલા મોરચાના રાષ્ટ્રીય ઉપાધ્યક્ષ ડૉ.જ્યોતિબેન પંડ્યાએ રંજનબેન ભટ્ટની પસંદગી મામલે વિરોધ નોંધાવી ગંભીર આક્ષેપ કર્યા હતા. જો કે તેઓ માધ્યમો સમક્ષ બળાપો ઠાલવે તે પહેલાં પક્ષે તમામ હોદ્દા ઉપરથી સસ્પેન્ડ કરતા વડોદરાનુ રાજકારણ ગરમાયુ છે.
ડૉ.જ્યોતિબેન પંડ્યા શું આક્ષેપ કર્યા
ભાજપે લોકસભા બેઠકના ઉમેદવારોની બીજી યાદી જાહેર કર્યા બાદ વડોદરામાં ભડકો થયો છે. વડોદરા બેઠક પર સતત ત્રીજી ટર્મ માટે રંજનબેન ભટ્ટની પસંદગી કરવામાં આવતાં ભાજપમાં ભાંજગડ શરૂ થઈ છે. સિનિયર અને મહિલા મોરચાના રાષ્ટ્રીય ઉપાધ્યક્ષ ડૉ.જ્યોતિબેન પંડ્યાએ માધ્યમો સમક્ષ જાહેરમાં બળાપો ઠાલવતા પક્ષની શિસ્તના લીરેલીરા ઉડ્યા છે. જ્યોતિબેન પંડ્યાએ રંજનબેન ભટ્ટને ટિકિટ આપવા બાબતે સવાલો ઉઠાવી ગંભીર આક્ષેપો કર્યા હતા. જે સાંસદને આખુ શહેર પસંદ કરતુ ન હોવા છતાં પસંદગી કરવા બદલ પક્ષની નેતાગીરી સામે પ્રશ્નો કર્યા હતા.
શહેર ભાજપ પ્રમુખે શું કહ્યું ?
વડોદરા લોકસભા બેઠક પર રંજનબેન ભટ્ટને ટિકિટ આપવા બાબતે ડો.જ્યોતિબેન પંડ્યાએ પક્ષની મોવડી મંડળ સમક્ષ રજૂઆત કરી હતી. મોવડી મંડળ તરફથી હકારાત્મક પ્રતિસાદ નહી મળતા માધ્યમો સમક્ષ પોતાનો બળાપો ઠાલવવા પત્રકાર પરિષદનુ આયોજન કર્યુ હતુ. પત્રકાર પરિષદ કરીને નારાજગી વ્યક્ત કરે તે પહેલાં જ્યોતિબેનને તમામ હોદ્દા ઉપરથી સસ્પેન્ડ કરવામાં આવ્યા હતા. જ્યોતિબેન પંડ્યાએ કરેલા આક્ષેપોને વડોદરા શહેર ભાજપ પ્રમુખે પાયાવિહોણા ગણાવીને ટિકિટ ન મળવાથી નારાજગીનો તેમનો વ્યક્તિગત વિષય હોવાનુ જણાવ્યુ હતુ.
ભાજપના ઉમેદવાર રંજનબેન ભટ્ટ સામે આક્ષેપ
લોકસભા ચૂંટણી પહેલા ભાજપે ભરતી અભિયાન ચાલુ કરતા કોંગ્રેસના નેતાઓએ કોંગ્રેસ છોડો યાત્રા શરૂ કરી છે. કોંગ્રેસના ધૂરંધર નેતાઓએ ભાજપનો ખેસ પહેરતા સંગઠન પડી ભાગ્યુ હોય તેમ લાગી રહ્યુ છે. તેવા સમયે વડોદરા લોકસભા બેઠકમાં ભાજપની ભાંજગડ શરૂ થતા કોંગ્રેસે ભાજપના બળતામાં ઘી હોમવાનો પ્રયાસ કર્યો હતો. વડોદરા મહાનગરપાલિકાના વિપક્ષના નેતાએ જ્યોતિબેનને સસ્પેન્ડ કરવાની બાબતને નારીશક્તિનુ અપમાન ગણાવી ભાજપના ઉમેદવાર રંજનબેન ભટ્ટ સામે આક્ષેપ કર્યા હતા.
વડોદરા શહેરના વિકાસ પર સવાલ
વડોદરા લોકસભા બેઠક માટે દાવેદારી કરનાર ડો.જ્યોતિબેન પંડ્યાને ટિકિટ નહી મળતા વ્યક્ત કરેલી નારાજગીમાં મુખ્યમંત્રીએ વડોદરા શહેરના વિકાસ બાબતે કરેલી ટકોર ચર્ચાનો વિષય બની છે. 3 માર્ચ 2024 ના રોજ વડોદરા જિલ્લાના વિકાસકામોના લોકાર્પણ દરમિયાન મુખ્યમંત્રીએ જાહેર મંચ ઉપરથી અમદાવાદ અને સુરતનુ ઉદાહરણ આપી વડોદરા શહેરનો વિકાસ નહી થવા બાબતે સવાલ ઉઠાવ્યો હતો.
વાંચવા જેવું: ભ્રષ્ટાચારીનું આવી બન્યું: વર્ગ-3ના કર્મચારીઓ માટે કેમ કરાયો 'મિલકત જાહેર'નો આદેશ, ગેરરીતિ અટકશે?
અસંતોષની ચીનગારી
લોકસભા ચૂંટણી અગાઉ કોંગ્રેસ અને AAPના નેતાઓને પક્ષમાં જોડીને ભાજપે બંને પક્ષના નેતાઓનો નૈતિક જુસ્સો ભલે તોડી નાંખ્યો છે એટલે સ્વભાવિક છે કે ભાજપમાં તો ખુલીને અસંતોષ વ્યક્ત કરવાની કોઈ નેતાની હિંમત રહી નથી. તેવામાં વડોદરામાં ડૉ.જ્યોતિબેન પંડ્યાએ રંજનબેન ભટ્ટની પસંદગી સામે સવાલ ઉઠાવીને ગંભીર આક્ષેપો કરતા પક્ષનુ મોવડી મંડળ પણ ચોંકી ઉઠ્યુ છે. ત્યારે વડોદરાથી ઉઠેલી અસંતોષની ચીનગારી શમી જાય છે કે પછી મોટું સ્વરૂપ ધારણ કરે છે તે જોવુ રહ્યું.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
લોકસભા ચૂંટણી 2024 / 'વિરોધ કરે છે તે જ ભાજપ સાથે મળેલા' કોંગ્રેસે સસ્પેન્ડ કર્યા બાદ નિલેશ કુંભાણીએ વીડિયો જાહેર કર્યો
Lok Sabha Election 2024
પ્રચાર
ટોપ સ્ટોરીઝ
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
સાસુ-વહુનો લવ / પરણીને તરત સાસુના પ્રેમમાં પડી વહુ, બોલી- 'મારી સાથે સંબંધ બાંધ', દીકરામાં રસ નથી'
up crime