ફાયદાની વાત / FD કરતા વધારે વ્યાજ, ઈન્કમ ટેક્સમાં 1.5 લાખની છૂટ, પોસ્ટ ઓફિસની જબરદસ્ત સ્કીમ

દરેક વ્યક્તિ તેમની કમાણીના એક ભાગની બચત કરીને તેનું એવી જગ્યાએ રોકાણ કરવા માંગે છે જ્યાં તેમના પૈસા સુરક્ષિત હોય અને તેમને ઉત્તમ વળતર મળે. આપણા દેશમાં રોકાણ કરવા માટે ઘણી યોજનાઓ છે પરંતુ તેના વિશે બહુ ઓછા લોકો જાણે છે. આ સાથે જ પોસ્ટ ઓફિસ દ્વારા ચલાવવામાં આવતી ઘણી યોજનાઓ પણ ધીરે ધીરે ખૂબ જ લોકપ્રિય બની રહી છે.

સરકાર દેશના વરિષ્ઠ નાગરિકો માટે એક ખાસ યોજના ચલાવી રહી છે. જેનું નામ છે સિનિયર સિટીઝન સેવિંગ સ્કીમ (Senior Citizen Savings Scheme). આ યોજનાનો લાભ માત્ર એવા જ લોકોને મળશે, જેમની ઉંમર 60 વર્ષ કરતા વધુ છે. એટલે કે આ યોજનાનો લાભ માત્ર વરિષ્ઠ નાગરિકો જ મેળવી શક્શે.

આ યોજનામાં રોકાણ કરનારા વરિષ્ઠ નાગરિકો દર મહિને 20,000 રૂપિયા સુધીની કમાણી કરી શકે છે અને આ યોજના હેઠળ વ્યાજ દર 8.2 ટકા છે. આ કોઈપણ સરકારી યોજનામાં ઓફર કરવામાં આવતો સૌથી વધુ વ્યાજ દર છે. આ યોજનાની પાકતી મુદત પાંચ વર્ષની છે અને તેને પાંચ વર્ષ પછી લંબાવવાનો વિકલ્પ છે. 60 વર્ષથી વધુ ઉંમરના ભારતીય નાગરિકો આ યોજનામાં એકસાથે રકમનું રોકાણ કરી શકે છે.

વરિષ્ઠ નાગરિક બચત યોજનામાં એકસાથે જમા કરવાની મહત્તમ મર્યાદા 30 લાખ રૂપિયા છે, જે 1 એપ્રિલ, 2023 પહેલા માત્ર 15 લાખ રૂપિયા હતી. જો તમે આમાં 30 લાખ રૂપિયાનું રોકાણ કરો છો, તો તમને દર વર્ષે લગભગ 2,46,000 રૂપિયા વ્યાજ મળશે. આવી સ્થિતિમાં, તમારી દર મહિને 20,500 રૂપિયાની માસિક આવક થશે. તે નિવૃત્તિ પછી દર મહિને નિયમિત આવકની ખાતરી આપે છે.

વધુ વાંચો: તમારા 10 વર્ષ જૂના આધાર કાર્ડને અપડેટ કરવું જરૂરી, ઘરે બેઠા જ મફતમાં કરો અપડેટ

80c હેઠળ આટલા લાખની મળે છે છૂટ

આ યોજના હેઠળ ઇન્કમ ટેક્સની કલમ 80C હેઠળ 1.5 લાખ રૂપિયા સુધીની ટેક્સમાં છૂટ મળે છે. એટલે કે તે માત્ર નિયમિત આવક જ નહીં પરંતુ ટેક્સ બચાવવામાં પણ મદદ કરે છે. SCSS નો કાર્યકાળ 5 વર્ષનો છે અને જો જરૂરી હોય તો તેને 3 વર્ષ સુધી લંબાવી શકાય છે. જો કોઈ ઇન્વેસ્ટર સમય પહેલાં પૈસા ઉપાડવા માંગે છે, તો ચોક્કસ શરતો સાથે ઉપાડ શક્ય છે. જો ખાતું 1 વર્ષ પહેલાં બંધ કરવામાં આવે તો કોઈ વ્યાજ ચૂકવવામાં આવતું નથી, જ્યારે 1-2 વર્ષ વચ્ચે બંધ કરવામાં આવે તો 1.5% વ્યાજ કાપવામાં આવે છે અને 2-5 વર્ષ વચ્ચે બંધ કરવામાં આવે તો 1% વ્યાજ કાપવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ