અમેરિકાના રાષ્ટ્રપતિ જો બાઇડને ચીનને કડક સંદેશમાં કહ્યું કે 'અમેરિકા ઇઝ બેક'. હવે આમને-સામને મુકાબલો થશે.
અમેરિકાના રાષ્ટ્રપતિ જો બાઇડનને ગુરુવારના રોજ પોતાનું પહેલુ રાજકીય ભાષણ આપ્યું. જેમાં બાઇડને વૈશ્વિક મંચથી ચીનને કડક સંદેશ આપતા કહ્યું કે 'અમેરિકા ઇઝ બેક'ની જાહેરાત કરી. રાષ્ટ્રપતિ બાઇડેને કહ્યું કે ચીન દ્વારા આપવામાં આવી રહેલા પડકારોનો અમેરિકા સીધો સામનો કરશે, પરંતુ આ સાથે જ દેશ હિતમાં બીજિંગની સાથે મળીને કામ કરવાથી પીછે હઠ નહીં કરે.
યુએસ રાષ્ટ્રપતિ બાઇડેને વિદેશ મંત્રાલયના કર્મચારીઓને 'ફોગી બોટમ' મુખ્યાલયમાં સંબોધન કરતા કહ્યું કે 'આપણે ચીન દ્વારા આર્થિક શોષણનો મુકાબલો કરીશું, માનવધિકારો, બૌદ્ધિક સંપદા અને વૈશ્વિક શાસન પર ચીનના હુમલાને ઓછા કરવા માટે દંડાત્મક કાર્યવાહી કરીશું.
ચીનને લઇને તેમના પ્રશાસનની નીતિ કેવી રહેશે તેના સંકેત આપતા બાઇડેને કહ્યું કે અમેરિકાના હિતની વાત આવે છે, તો અમે બીજિંગ સાથે મળીને કામ કરવા પણ તૈયાર છીએ. અમે પોતાના સહયોગીઓ તેમજ ભાગીદારોની સાથે કામ કરીને આંતરરાષ્ટ્રીય સંસ્થાઓમાં પોતાની ભૂમિકાને નવુ સ્વરુપ આપી, અમારી વિશ્વશનીયતા તેમજ નૈતિક અધિકારને પુનઃ પ્રાપ્ત કરવાની સાથે દેશની અંદર સ્થિતિ સારી બનાવવા માટે કામ કરીશું.'
બાઇડેને કહ્યું કે આ માટે અમે આંતરરાષ્ટ્રીય સ્તર પર અમેરિકાની ભાગીદારી ફરી કરવા તેમજ હાલના પડકારો પર વૈશ્વિક કાર્યવાહીને ઉત્પ્રેરિત કરવા માટે નેતૃત્વની સ્થિતિમાં આવવા માટે કામ શરુ કરી દીધું.
ચીનના આર્થિક શોષણ સામે લડવું પ્રાથમિકતા
આ પહેલા રાષ્ટ્રીય સુરક્ષા સલાહકાર જેક સુલિવનને પત્રકારોને કહ્યું હતું કે તેમની પ્રાથમિકતા 'ગોલ્ડમેન સેક્સ' (રોકાણ બ્રેકિંગ) માટે ચીનમાં પહોંચ પ્રાપ્ત કરવું નથી. તેમણે કહ્યું કે 'અમારી પ્રાથમિકતા ચીનના આર્થિક શોષણ સામે લડવું, જેનાથી અમેરિકન નોકરીઓ તેમજ અમેરિકન કર્મચારી પ્રભાવિત થઇ રહ્યાં છે'