મોટુ નિવેદન / પાકિસ્તાન સૌથી ખતરનાક દેશોમાંથી એક: બાયડનના નિવેદનથી એશિયાના દેશોમાં ખળભળાટ

• અમેરિકાના રાષ્ટ્રપ્રમુખ જો બાઈડેને આપ્યું મોટુ નિવેદન
• વિશ્વના સૌથી ખતરનાક દેશોમાંથી એક છે પાકિસ્તાન
• કારણકે આ દેશની પાસે કોઈ કરાર વગર પરમાણુ હથિયાર છે

વિશ્વના સૌથી ખતરનાક દેશોમાંથી એક પાકિસ્તાન: જો બાઈડેન  

યાદ રહે કે પાકિસ્તાન વિદેશમાંથી મળતા સૈન્ય હથિયારોનો ઉપયોગ ભારત સામે કરે છે. અમેરિકાના રાષ્ટ્રપ્રમુખ જો બાઈડેને પાકિસ્તાનને લઇને મોટુ નિવેદન આપ્યું. તેમણે કહ્યું, મને લાગે છે કે કદાચ વિશ્વના સૌથી ખતરનાક દેશોમાંથી એક પાકિસ્તાન છે, કારણકે આ દેશની પાસે કોઈ કરાર વગર પરમાણુ હથિયાર છે. વ્હાઈટ હાઉસે જો બાઈડેનનુ નિવેદન જાહેર કર્યુ છે. બાઈડને આ વાત ડેમોક્રેટીક કોંગ્રેસના અભિયાન સમિતિના સ્વાગત સમારોહમાં કહી છે. અમેરિકાના રાષ્ટ્રપ્રમુખે રશિયા-યુક્રેન સંઘર્ષને લઇને પણ ટીપ્પણી કરી છે. તેમણે જણાવ્યું કે આ સંઘર્ષથી દુનિયા ખૂબ પ્રભાવિત થઇ છે. આ ઉપરાંત તેમણે અન્ય દેશોની સાથે વોશિંગ્ટનના સંબંધો અંગે પણ વાતચીત કરી. 

"What I think is maybe one of the most dangerous nations in the world, Pakistan. Nuclear weapons without any cohesion", said US President Joe Biden at Democratic Congressional Campaign Committee Reception pic.twitter.com/cshFV5GVHY

— ANI (@ANI) October 15, 2022

પાકિસ્તાનના ઉર્જા મંત્રીએ બાઈડનના નિવેદનને નિરાધાર ગણાવ્યું

ધ ડૉન મુજબ પાકિસ્તાનના ઉર્જા મંત્રી ખુર્રમ દસ્તગીરે બાઈડનના નિવેદનને નિરાધાર ગણાવ્યું છે. તેમણે કહ્યું કે આંતરરાષ્ટ્રીય એજન્સીઓએ ઘણી વખત પાકિસ્તાનના પરમાણુ નિવારકને સત્યાપિત કર્યુ છે. 

બાઈડેને પુતિન પર પણ કર્યો હુમલો 

વ્હાઈટ હાઉસ મુજબ અમેરિકન રાષ્ટ્રપ્રમુખે પોતાના સંબોધનમાં રશિયાના રાષ્ટ્રપ્રમુખ પર હુમલો કરતા કહ્યું, શું તમારામાંથી કોઈએ ક્યારેય વિચાર્યુ હતુ કે ક્યુબા મિસાઈલ સંકટ બાદ કોઈ રશિયન નેતા પરમાણુ હથિયારોના ઉપયોગની ધમકી આપી શકે છે. માત્ર ત્રણ, ચાર હજાર લોકોને મારી શકે છે. 

બાઈડેને વધુમાં કહ્યું, શું કોઈએ વિચાર્યુ હતુ કે આપણે એવી સ્થિતિમાં હોઈશુ જ્યાં રશિયા, ભારત અને પાકિસ્તાનની સાપેક્ષ ચીન પોતાની ભૂમિકાની જાણકારી લગાવવાનો પ્રયાસ કરી રહ્યું છે?