રાહતના સમાચાર / ભારતીયો સુરક્ષિત છે, ન્યૂ જર્સીમાં લાગેલી આગ મુદ્દે ભારતીય કોન્સ્યુલેટે આપી માહિતી

અમેરિકાનો ન્યૂ જર્સી એવો વિસ્તાર છે, જ્યાં મોટી સંખ્યામાં ભારતીયો ખાસ કરીને ગુજરાતીઓ વસે છે. તાજેતરમાં જ ન્યૂ જર્સીની એક રહેણાક ઈમારતમાં આગ લાગવાની ઘટના સામે આવી છે. જો કે કોન્સ્યુલેટ જનરલ ઓફ ઈન્ડિયાના કહેવા પ્રમાણે આ દુર્ઘટનામાં કોઈ પણ ભારતીયને ઈજા નથી પહોંચી. કોન્સ્યુલેટ જનરલ ઓફ ઈન્ડિયાએ આ મામલે સ્થાનિક તંત્ર સાથે વાત કરી છે, જે મુજબ ભારતીય વિદ્યાર્થીઓ અને ભારતીય નાગરિકો એકદમ સુરક્ષિત છે. એક પણ વ્યક્તિને જાનહાનિ નથી થઈ.

આ મમલે ભારતીય કોન્સ્યુલેટ પણ આ વિસ્તારમાં રહેતા ભારતીય વિદ્યાર્થીઓના સતત સંપર્કમાં છે, અને તેમને જરૂરી તમામ મદદ કરાઈ રહી છે. જો કોઈ પણ ભારતીય વિદ્યાર્થીને રહેઠાણ માટે અતવા જરૂરી દસ્તાવેજોને લગતી મુશ્કેલી ઉભી થાય, તો ભારતીય કોન્સ્યુલેટ તેમની મદદ કરતું રહે છે.

@IndiainNewYork learnt of the unfortunate fire incident in a residential building in Jersey City. Indian students and professionals residing there are safe and no one was hurt.

We have been in constant touch with the students and are extending all assistance including with…

— India in New York (@IndiainNewYork) February 16, 2024

આખી ઘટના જોઈએ તો ન્યૂ જર્સીના મલ્ટી ફેમિલી બિલ્ડિંગા ભોંયરામાં આગ લાગી હતી, જે બાદમાં પહેલા અને બીજા માળ સુધી ફેલાઈ હતી. આગની દુર્ઘટના બાદ મોટી સંખ્યામાં આ બિ્લ્ડિંગના રહેતા ભારતીય વિદ્યાર્થીઓને સલામત સ્થળે ખસેડવામાં આવ્યા હતા. ભારતમાં રહેતા પરિવારોને ચિંતા થતા આખરે ભારતીય કોન્સ્યુલેટ દ્વરા આ માહિતી જાહેર કરવામાં આવી છે. 

Indian students safe...: India's Consulate in New York on fire in Jersey City residential building

Read @ANI Story | https://t.co/AJJzwsPqYo#India #NewYork #JerseyCity #fire pic.twitter.com/pIHFGt60kr

— ANI Digital (@ani_digital) February 16, 2024

સોશિયલ મીડિયા પ્લેટફોર્મ ટ્વિટર એટલે કે એક્સ પર કોન્સ્યુલેટ જનરલ ઓફ ઈન્ડિયાએ આપેલી માહિતીમાં કહેવામાં આવ્યું છે કે,'ન્યૂ જર્સીમાં આગ લાગવાની દુર્ઘટના અંગે અમે માહિતગાર છીએ. આ ઈમારતમાં રહેતા ભારતીય નાગરિકો અને પ્રોફેશનલ્સ બિલકુલ ઠીક છે, કોઈને પણ કોઈ ઈજા નથી પહોંચી. અમે વિદ્યાર્થીઓના સતત સંપર્કમાં છીએ અને તેમને રહેઠાણની વ્યવસ્થાથી લઈને જરૂરી દસ્તાવેજો સહિતની મદદ કરી રહ્યા છીએ.'

વધુ વાંચો: UK જવા તૈયાર થઇ જાઓ: બહાર પડ્યા 3000 સ્લોટ્સ, જાણો ખર્ચાથી લઇને પ્રોસેસ સિસ્ટમ, Apply માટે માત્ર 3 દિવસ

ન્યૂ જર્સી વિસ્તારના ફાયર ફાઈટરના પ્રવક્ત કિમ્બરલીના કહેવા પ્રમાણે, જ્યારે તેમને આ ઘટનાની જાણ કરવામાં આવી, ત્યારે આગ ઓલરેડી બીજા માળ સુધી ફેલાઈ ચૂકી હતી. આગ લાગવાને કારણે આજુબાજુના મકાનોને પણ નુક્સાન પહોંચ્યું છે. તો અમેરિકન રેડક્રોસ સંસ્થા દ્વારા 14 ઈજાગ્રસ્ત લોકોને સારવાર આપવામાં આવી છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો