નિરાશાજનક / અમેરિકાની વૅક્સિન બનાવતી દિગ્ગજ કંપનીએ કોરોનાની રસી બનાવવાનું માંડી વાળ્યું, જાણો કારણ

• કંપનીએ નબળા વાઈસને આધારે દવાના ડોઝ પર પરંપરાગત અભિગમનો ઉપયોગ કરવાનો નવો અખતરો શરૃ કર્યો છે
• V590 નામે જાણીતો આ અભિગમ મર્કના એબોલા રસીની ટેકનોલોજી જ્યારે V591 યુરોપમાં ઉપયોગમાં લેવાતી ઓરીની રસીને આધારે છે.
• આ બન્ને રસીએ કુદરતી રીતે ઉતરતી કક્ષાની રોગ પ્રતિકાર શક્તિ પેદા કરી 

અમેરિકાની વૅક્સિન બનાવતી દિગ્ગજ કંપની મર્ક એન્ડ કંપનીએ કોરોનાની બે રસી બનાવવાનુ માંડી વાળ્યું છે. અખતરામાં રસી કુદરતી ચેપ અથવા તો હાલની રસીની તુલનાએ પૂરતા પ્રમાણમાં અસરકારક રોગપ્રતિકાર શક્તિ આપવામાં નિષ્ફળ નીવડી હોવાથી કંપનીને આ પગલું લેવાનું જરૃરી લાગ્યું છે. 

સફળતાપૂર્વક રસી બનાવવાનો ખૂબ મોટો લાંબો ઈતિહાસ ધરાવતી આ અમેરીકી કંપનીએ તેની પ્રતિસ્પર્ધી કંપની ફાઈઝર, મોડર્ના અને જોન્સન એન્ડ જોન્સન કરતા એક અલગ અખતરો લાગુ પાડ્યો હતો. કંપનીએ નબળા વાઈસને આધારે દવાના ડોઝ પર પરંપરાગત અભિગમનો ઉપયોગ કરવાનો નવો અખતરો શરૃ કર્યો છે. V590 નામે જાણીતો આ અભિગમ મર્કના એબોલા રસીની ટેકનોલોજી જ્યારે V591 યુરોપમાં ઉપયોગમાં લેવાતી ઓરીની રસીને આધારે છે.
કંપનીએ 2020 ના અંતમાં આ બન્ને રસીના ડેટા મળ્યા હતા. મર્ક રિસર્ચ લેબોરેટરીના સિનિયર વાઈસ પ્રેસિડન્ટ ઓફ ક્લિનિકલ રિસર્ચ નિક કાર્ટસોનિસે એવું જણાવ્યું કે રસીના પરિણામો ખૂબ નિરાશાજનક છે અને થોડા નવાઈકારક પણ છે. 
આ બન્ને રસીએ કોરોનાની બીજી રસી કરતા ખૂબ ઓછા પ્રમાણમાં તથા કુદરતી રીતે કોરોના વાઈસનો ચેપ ગ્રહણ કરનાર લોકોની તુલનાએ ઉતરતી કક્ષાની રોગ પ્રતિકાર શક્તિ પેદા કરી હતી. 
તેમણે કહ્યું કે આગળ વધવા માટે સક્ષમ બનવા અમારે જે જોઈએ છે તે જ અમારી પાસે નથી. ડેટાનું બારીકાઈથી અધ્યયન કર્યાં બાદ કંપનીએ આ પ્રોગ્રામ બંધ કરીને કોરોનાની સારવાર વિકસીત કરવાના કંપનીના પ્રયાસો તરફ સંસાધનો વાળવાનો નિર્ણય કર્યો છે. 
મોર્ડનાની રસી બ્રિટન અને યુરોપીય દેશોમાં પેદા થયેલા કોરોનાના નવા સ્વરૃપની વિરૃદ્ધ પણ સારી રોગ પ્રતિકાર શક્તિ પેદા કરી રહી હોવાનું કંપનીએ જણાવ્યું હતું. અમેરિકામાં કોરોનાની બે વેક્સિનને મંજૂરી આપવામાં આવી છે પરંતુ કોરોનાના કેસ વધવાને કારણે સારવારના બીજા ઉપાયો શોધવાની જરૃર લાગી રહી છે. મર્ક એન્ડ કંપની કોરોનાની બીજી બે દવાને વિકસીત કરવામાં તેના સાધનો અને મહેનત લગાડશે.