તમારા કામનું / ટ્રાન્ઝેક્શન પણ નથી થયું અને ખાતામાંથી પૈસા કટ થઇ ગયા, તો ચિંતા છોડો ને આ રીતે મેળવો તમારું રિફંડ

• માત્ર ગણતરીની મિનિટમાં ઓનલાઈન ટ્રાન્ઝેક્શન થાય છે
• અનેક કારણોસર UPI ટ્રાન્ઝેક્શન થઈ શકતા નથી
• ખોટા એકાઉન્ટમાં પૈસા ટ્રાન્સફર થાય તો શું કરવું?

યૂનિફાઈડ પેમેન્ટ ઈન્ટરફેસે ઓનલાઈ લેવડદેવડ કરવા માટેની રીત બદલી દીધી છે. માત્ર ગણતરીના સ્ટેપથી સરળતાથી પેમેન્ટ કરી શકાય છે. UPI પેમેન્ટની સુવિધાથી તમામ લોકો પર સારી અસર થાય છે. આ પ્રકારની ટેકનોલોજીથી ઘણીવાર મુશ્કેલી થઈ શકે છે. ચૂકવણી કરતા સમયે ટ્રાન્ઝેક્શન ફેઈલ થઈ જાય છે અથવા અટકી જાય છે. અનેક કારણોસર UPI ટ્રાન્ઝેક્શન થઈ શકતા નથી અથવા ખોટા એકાઉન્ટમાં પૈસા ટ્રાન્સફર થાય છે. અન્ય એકાઉન્ટમાં પૈસા ડેબિટ થવાને કારણે વધુ સમસ્યા થાય છે. 

UPI ટ્રાન્ઝેક્શન ફેઈલ થવાના કારણ
ઈન્ટરનેટ કનેક્શન સ્લો હોવાને કારણે પેમેન્ટ ફેઈલ થઈ શકે છે. જો મોબાઈલ ફોનનું ઈન્ટરનેટ યોગ્ય પ્રકારે ચાલતું ના હોય તો ટ્રાન્ઝેક્શન ફેઈલ થઈ જાય છે અથવા અટકી જાય છે. બેન્ક સર્વર સરખુ ચાલતું ના હોય તો પણ તકલીફ થઈ શકે છે. ખોટો UPI પિન નાખવાને કારણે પણ આ તકલીફ થાય છે. અનેક વાર ખાતામાં સરખુ બેલેન્સ ના હોય તો પણ તકલીફ થાય છે. જો તમારી ડેઈલી ટ્રાન્ઝેક્શન લિમિટ પૂર્ણ થઈ ગઈ તો પણ પેમેન્ટ કેન્સલ થઈ શકે છે. 

UPI ટ્રાન્ઝેક્શન ફેઈલ થાય તો શું કરવું?
જો તમારું પેમેન્ટ ફેઈલ થઈ જાય તો પણ એકાઉન્ટમાંથી પૈસા કપાઈ જાય છે. તો પરેશાન થવાની જરૂર નથી, ઘણી વાર પેમેન્ટ કટ થાય તેના  કલાકમાં પૈસા ખાતામાં આવી જાય છે. આ પ્રકારે ના થાય તો બેન્કના કસ્ટનર કેરમાં કોલ કરો અથવા સંબંધિત બ્રાંચનો સંપર્ક કરીને ફરિયાદ કરી શકો છો. NPCI વેબસાઈટ પર UPI સંબંધિત ફરિયાદ કરી શકો છો.