કામની વાત / બાળકનું આધાર બનાવવું હોય તો વાંચી લો આ સમાચાર, UIDAIએ આપી મહત્વની જાણકારી

• નવજાત બાળક માટે પણ મળે છે આધાર કાર્ડની સુવિધા
• આ સરળ પ્રોસેસથી બનાવો તમારા બાળકનું આધાર
• આ ડોક્યૂમેન્ટ્સની પડશે જરૂર

હવે તમે નવજાત બાળકનું પણ આધાર બનાવી શકો છો. તમને જણાવી દઈએ કે, દેશના કેટલાક હોસ્પિટલોમાં પણ ત્યાં જન્મેલા બાળકોના આધાર કાર્ડ બનાવવા માટે પ્રોસેસ પૂરી કરી લે છે. આજના સમયમાં બાળકોથી લઈને તમામ ઉંમરના લોકો માટે આધાર કાર્ડ એક જરૂરી ડોક્યૂમેન્ટ છે. તેના વિના અનેક કામ અટકી જાય છે. UIDAIએ ટ્વિટ કરી આ અંગે જાણકારી આપી છે.

#AadhaarForMyChild
Everyone can enroll for Aadhaar - even a newborn child. All you need is the child's birth certificate and #Aadhaar of one of the parents. Book an appointment from https://t.co/bn84FITjmx#KidsAadhaar #BaalAadhaar #Identity #Appointment pic.twitter.com/4Q8yXBhKKV

— Aadhaar (@UIDAI) February 22, 2021

UADAI એ કર્યું ટ્વિટ

UADAIએ ટ્વિટમાં લખ્યું કે, દરેકે આધાર માટે ઈનરોલ કરાલી લેવું. એટલે સુધી કે નવજાત બાળકનું પણ ઈનરોલ કરવામાં આવી શકે છે. તેના માટે તમારી પાસે બાળકનું જન્મ પ્રમાણપત્ર અને માતા-પિતામાંથી કોઈ એકનું આધાર હોવું જોઈએ.

નથી લેવામાં આવતું બાયોમેટ્રીક

તમને જણાવી દઈએ કે 1 દિવસથી લઈને 5 વર્ષ સુધીના બાળકના આધાર માટે બાયોમેટ્રિક ડેટા લેવામાં આવતો નથી. તમને જણાવી દઈએ કે, 5 વર્ષ સુધીના બાળકોનો બાયોમેટ્રીક બદલાતો રહે છે. એટલા માટે તેને લેવામાં આવતો નથી. જ્યારે તમારું બાળક 5 વર્ષનું થઈ જાય ત્યારે તમે તેને અપડેટ કરી શકો છો.

ક્યા ડોક્યૂમેન્ટ્સની પડે છે જરૂર

એક દિવસના બાળકનું આધાર બનાવવા માટે તમારે માત્ર બાળકનું જન્મ પ્રમાણપત્ર અને માતા-પિતામાંથી કોઈ એકનું આધાર કાર્ડ અને ઓળખ પત્ર જોઈએ. આ બે ડોક્યૂમેન્ટની મદદથી તમે તમારા બાળકનું આધાર કાર્ડ સરળતાથી બનાવી શકો છો.

કેવી રીતે કરાવી શકો છો રજીસ્ટ્રેશન

• UIDAIની વેબસાઈટ પર જઈ અને આધાર કાર્ડ રજિસ્ટ્રેશનની લિંક પર ક્લિક કરો.
• ત્યાં ફોર્મ ડાઉનલોડ કરો અને તેમાં બાળકનું નામ, તમારો મોબાઈલ નંબર, ઈ-મેઈલ ભરો.
• ત્યારબાદ તમારું આધાર કાર્ડ સેંટર કરવા માટે અપોઈનમેન્ટ મળશે.
• હવે તમારે નક્કી કરેલાં દિવસ અને સમય પર આધાર એનરોલમેન્ટ સેંટર પર તમામ જરૂરી ડોક્યૂમેન્ટ લઈ જાવ.

વધુ જાણકારી માટે આ લિંક પર ક્લિક કરો 

બાળકોના આધાર અંગે વધુ જાણકારી અને અપોઈનમેન્ટ માટે તમે આ લિંક https://ask.uidai.gov.in/ પર વિઝિટ કરી શકો છો.