- બારડોલીના વાઘેચામાં નદીમાં બે ડૂબ્યા
- તાપી નદીમાં નહાવા સુરતથી આવ્યા હતા
- લિંબાયતનો આઠ વ્યક્તિનો સમૂહ આવ્યો હતો
બારડોલી તાલુકાના વાઘેચા ગામે આવેલા વાઘેશ્વર મહાદેવ તીર્થ સ્થાને મોટી સંખ્યામાં પ્રવાસીઓ મુલાકાત લેતા હોય છે.ત્યારે મંદિર પાસે આવેલી તાપી નદીમાં અવારનવાર પ્રવાસીઓ ન્હાવા માટે જતા હોય છે.ત્યારે અનેકવાર પ્રવાસીઓ અકસ્માતનો ભોગ બનતા હોય છે.આવો જ એક અકસ્માત સુરતના લીંબાયત વિસ્તારમાં રહેતા એક પરિવાર સાથે થયો હતો.પરિવારના 8 શખ્સો ન્હાવા માટે નદીમાં પડતા પરિવારના બે યુવાનો નદીમાં ડૂબી ગયા હતા. ફાયર વિભાગે તુરંત જ ઘટનાસ્થળે પહોંચી ગયો હતો. તે દરમિયાન એક યુવાનનો મૃતદેહ તો શનિવારે જ મળી આવ્યો હતો.પરંતુ એક યુવાનના મૃતદેહની શોધ-ખોળમાં આજે મળ્યો હતો
એકનો મૃતદેહ શનિવારે-બીજાનો રવિવારે મળ્યો
ઘટનાની જાણ ફાયર વિભાગને કરતા એક યુવાનનો મૃતદેહ શનિવારે મળી આવ્યો હતો.તથા બીજા યુવાનનો મૃતદેહ આજે મળી આવ્યો હતો.ઉલ્લેખનીય છે કે આ સ્થાન પર અવારનવાર અકસ્માતની ઘટના બનતી રહે છે. એક અંદાજ મુજબ નદીમાં ન્હાવા પડવાને કારણે અત્યાર સુધીમાં 250થી વધુ લોકોએ પોતાના જીવ ગુમાવ્યા છે.
તાપીનો આ તટ જોખમી;છતાં અવગણના
વાઘેચા ખાતે આવેલો તાપીનો તટ છીછરો અને પથરાળ છે, મોટી મોટી પથ્થરની શીલાઓ અહિયાં તટ પર છે જેને લઇ સહેલાણીઓના આકર્ષણનું કેન્દ્ર છે ,પરંતુ આજ આકર્ષણ દુર્ઘટના પણ નોંતરે છે ,તટથી 500 મીટર અંદર ઝરણા જેવો વહેણ છે. જેથી સહેલાણીઓ આકર્ષાય આ ઝરણા નજીક જાય છે અને પાણીમાં નહાવા પડે છે જોકે,આ જગ્યા પર પાણીમાં 10 થી 15 મીટર ઊંડા ખાડાઓ પણ જેથી નહાવા પડેલા લોકો ડૂબી જવાની ઘટના છાશવારે બનતી રહે છે ,પ્રસાશન ધ્વારા આ જગ્યા પર ગ્રીલ મારી જગ્યાને કોર્ડન કરવામાં આવી હતી પરંતુ ચોમાંસામાં આવેલા તાપી નદીમાં ભારે પાણીને કારણે આ ગ્રીલ વહી ગઈ હતી.
પ્રવાસીઓ સુચના પણ અવગણે છે
છાશવારે બનતી દુર્ઘટનાઓને લઇ મંદિર સંચાલકો ધ્વારા મંદિરમાંથી તાપી તટ પર જતા તમામ રસ્તાઓ ને બંધ કરી દેવામાં આવ્યા છે. પરંતુ સહેલાણીઓ અન્ય રસ્તે થઇ ને પણ તાપીના તટ પર ફરવા પહોચી જાય છે જેને લઇને મંદિર પરિસર બદનામ થઇ રહ્યું છે ,જોકે મંદિર સંચાલકો ધ્વારા મોટા મોટા બોર્ડ પણ મંદિર પરીસરમાં તેમજ તટ પર જતા રસ્તાઓ પણ લગાવામાં આવ્યા છે પરંતુ સહેલાણીઓ આ સુચના ની અવગણના કરી નદી કિનારે નહાવા જાય છે અને અંતે દુર્ઘટના નો ભોગ બને છે.
