Share Market Tips / આ શેર છે કે કુબેરનો ખજાનો? માત્ર એક વર્ષમાં જ 1 લાખના થઇ ગયા 7 લાખ, જાણો કેવી રીતે

શેરબજાર દરરોજ નવા રેકોર્ડ બનાવી રહ્યું છે. મંગળવારના ટ્રેડિંગ સેશનમાં સેન્સેક્સ 75000ને પાર કરી ગયો હતો. બજારનો આંકડો 4 લાખ કરોડને પાર કરી ગયો છે. દરમિયાન, એક એવો સ્ટોક છે જેમાં છેલ્લા 12 દિવસથી સતત વધારો નોંધાઈ રહ્યો છે. આ શેરે માત્ર એક વર્ષમાં જ રોકાણકારોને સાત ગણાથી વધુ વળતર આપ્યું છે. 700 ટકાથી વધુ વળતર આપનારી આ કંપનીનું નામ ટ્રાન્સફોર્મર્સ એન્ડ રેક્ટિફાયર ઇન્ડિયા લિમિટેડ (TRIL) છે. કંપનીના શેરોએ છેલ્લા એક વર્ષમાં શાનદાર પ્રદર્શન કર્યું છે. સતત 12 દિવસથી તેમાં વધારો થઈ રહ્યો છે.

5%ના ઉપલા સર્કિટ પર બંધ થયો શેર 

મંગળવારના ટ્રેડિંગ સેશન દરમિયાન પણ, બોમ્બે સ્ટોક એક્સચેન્જ (BSE) પરનો શેર 5%ના ઉપલા સર્કિટ પર બંધ થયો. આ સાથે શેરની કિંમત 498.20 રૂપિયા થઈ ગઈ. નોંધનીય છે કે TRILના શેરમાં પાંચ ટ્રેડિંગ સેશનમાં 18% થી વધુ, એક મહિનામાં 52% થી વધુ, છ મહિનામાં લગભગ 200% અને એક વર્ષમાં 738% નો વધારો થયો છે. વર્ષ 2024 માં જ, શેરે રોકાણકારોને લગભગ 110% નો નફો આપ્યો છે.

બ્રોકરેજ ફર્મ કંપનીના શેરમાં જોવા મળી રહી છે તેજી 

કંપનીના શેરમાં આ વધારો નાણાકીય વર્ષ 2024માં 35.65 કરોડ રૂપિયાનો ચોખ્ખો નફો નોંધાવ્યા બાદ થયો છે. Q4FY23 માં 8.85 કરોડની સરખામણીમાં 300% થી વધુનો વધારો થયો છે. FY24માં તેનો કુલ નફો વધીને 4,111 કરોડ થઈ ગયો, જે અગાઉના નાણાકીય વર્ષમાં 3,709 કરોડ રૂપિયા હતો. તાજેતરના ગ્રોથ પછી બ્રોકરેજ ફર્મ કંપનીના શેરમાં તેજી જોવા મળી રહી છે. બ્રોકરેજને અપેક્ષા છે કે કંપનીની મજબૂત ઓર્ડર બુકને જોતાં સ્ટોક વધુ 15% વધી શકે છે.

કેવી રીતે વધ્યો શેર 

11 એપ્રિલ, 2023ના રોજ, TRILના શેર 62 રૂપિયાના સ્તરે ટ્રેડ થઈ રહ્યા હતા. આ પછી મે મહિનામાં આ શેર 63 રૂપિયા પર હતો. 1 સપ્ટેમ્બર, 2023 ના રોજ, શેરની કિંમત 117 રૂપિયા પર બંધ થઈ. નવેમ્બરની શરૂઆતમાં શેર 163 રૂપિયા પર જોવા મળ્યો હતો. જાન્યુઆરીમાં તેનું સ્તર વધીને 240 રૂપિયા અને 1 માર્ચે 347 રૂપિયા પર પહોંચી ગયું હતું. હવે 9 એપ્રિલે શેર 494 રૂપિયા પર બંધ થયો. બુધવારના ટ્રેડિંગ સેશનમાં પણ તેમાં વધારો જોવા મળી રહ્યો છે.

1 લાખના થયા 7 લાખ 

જો તમે ગયા વર્ષે આ સ્ટોકમાં 62 રૂપિયામાં રોકાણ કર્યું હોત તો તમને 1 લાખ રૂપિયામાં 1,612 યુનિટ્સ મળ્યા હોત. જો કોઈ રોકાણકારે આ રોકાણ યથાવત રાખ્યું હોય તો હવે 494 રૂપિયાના દરે તે વધીને 7.96 લાખ રૂપિયા થઈ ગયું છે. આ પ્રમાણે શેરે માત્ર એક વર્ષમાં 796 ટકા વળતર આપ્યું છે.

વધુ વાંચો: લાખે પહોંચશે કે શું? નવરાત્રીના પ્રથમ દિવસે સોનું 73,000ને પાર, શું કહે છે ભવિષ્યવાણી?

શેરના હાલ 

બુધવારે શરૂઆતી કારોબારમાં, શેરમાં 5 ટકાનો ઉછાળો જોવા મળ્યો અને તે 518.95 રૂપિયા પર પહોંચ્યો ગયો છે. અગાઉ મંગળવારના ટ્રેડિંગ સેશનના અંતે આ શેર 494.25 રૂપિયા પર બંધ થયો હતો. 52 સપ્તાહ દરમિયાન શેરનું નીચું સ્તર 58.41 રૂપિયા અને ઉચ્ચ સ્તર 494.25 રૂપિયા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો