સ્વાસ્થ્ય / ટાઈટ જીન્સ પહેરવાના છો શોખીન? તો સાવધાન! થઇ શકે છે નસની આ ખતરનાક બિમારી, જાણો લક્ષણ

• મહિલાઓ મોટાભાગે ટાઈટ જીન્સ પહેરે છે
• ટાઈટ જીન્સ પહેરવાને કારણે ગંભીર બિમારી થઈ શકે છે
• આ બિમારીથી કેવી રીતે બચી શકાય?

મહિલાઓ મોટાભાગે ટાઈટ જીન્સ અથવા ટાઈટ કપડા પહેરે છે. આ કારણોસર પુરુષોની સરખામણીએ મહિલાઓને નસોની ગંભીર બિમારી થાય છે. ટાઈટ જીન્સ પહેરવાને કારણે વેરિકોજ વેન્સ (નસોમાં સોજો)ની સમસ્યા થાય છે. 

વેરિકોજ વેન્સ એક ગંભીર બિમારી છે. જેમાં નસો મોટી થઈ જાય છે અને લોહી ભરાઈ જાય છે. જેના કારણે દર્દીને ખૂબ જ દુખાવો થાય છે. ફૂલી ગયેલ નસ લાલ અથવા નીલા રંગની દેખાય છે. અનેક લોકો આ વાતને નજરઅંદાજ કરે છે. જેના કારણે ભવિષ્યમાં ગંભીર સમસ્યા થાય છે. આ બિમારીના લક્ષણો અને તેનાથી કેવી રીતે બચી શકાય તે અંગે અહીંયા જણાવવામાં આવ્યું છે. 

વેરિકોજ વેન્સ બિમારી થવાના કારણ
લાંબા સમય સુધી બેસી રહેવું, મેદસ્વીતા, ટાઈટ જીન્સ પહેરવું, બ્લડપ્રેશરમાં વધારો થવો આ તમામ લક્ષણો જોવા મળે છે. માસિકચક્રના કારણે પણ આ બિમારી થાય છે. ઘણા લોકો યોગ્ય ભોજન કરે તથા એલોપેથિક દવાઓના રિએક્શનના કારણે પણ આ બિમારી થાય છે. 

વેરિકોજ કેવી રીતે બને છે?
નસોમાં રહેલ વાલ્વ શરીરના ઉપરના ભાગમાં લોહી પહોંચાડવાનું કામ કરે છે. આ વાલ્વ કામ ના કરે તો લોહી આગળ પહોંચી શકતું નથી અને નસોમાં જમા થવા લાગે છે. જેના કારણે નસોમાં સોજો આવે છે અને નબળી પડી જાય છે. આ વેરિકોજ વેન્સના કારણે ત્વચા નીચે ગાઠ બને છે જેને સ્પાઈડર વેન કહેવામાં આવે છે. 

વેરિકોજ વેન્સના લક્ષણ
આ બિમારી થાય તો શરીરમાં કેટલાક બદલાવ અને લક્ષણ જોવા મળે છે. આ લક્ષણના આધાર પરિ બિમારીનું નિદાન કરી શકાય છે. વેરિકોજ વેન્સ બિમારી થવા પર નસો વાદળી રંગની થઈ જાય છે, ઉઠતા બેસતા દુખાવો, નસો પાસે ખંજવાળ આવે છે અને દુખાવો થાય છે. ઉપરાંત માંસપેશીઓ જકડાઈ જાય છે અને સોજો આવે છે. 

વેરિકોજ વેન્સનો ઈલાજ
વેરિકોજ વેન્સથી રાહત મેળવવા માટે દરરોજ કસરત કરવી અને સૌથી પહેલા વજન ઓછું કરવા બાબતે ધ્યાન આપવું. ખાવા પીવાની બાબતોનું ધ્યાન રાખવું. ફાઈબરયુક્ત ભોજન કરવું અને સૂતા સમયે પગ ઉંચા કરીને સૂવું. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)