દુઃખદ / તાપીમાં ગોઝારો અકસ્માત, 2 બાઈક સામ સામે અથડાતાં 1માં આગ, 3 યુવકોના મોત

તાપી જિલ્લામાં ઉચ્છલ–નિઝર હાઈવે પર બુધવારે ગોઝારો માર્ગ અકસ્માત સર્જાયો હતો. બે બાઈક સામસામે અથડાતા ત્રણ યુવકોના ઘટનાસ્થળે જ કરુણ મોત થયા હતા. અકસ્માત એટલો ભયાનક હતો કે અથડામણ બાદ એક બાઈકમાં આગ લાગી ગઈ હતી, જેના કારણે વિસ્તારમાં અફરાતફરીનો માહોલ સર્જાયો હતો.

અકસ્માત બાદ એક બાઈકમાં લાગી હતી આગ

પ્રાથમિક માહિતી મુજબ, બંને બાઈક ઝડપથી આવી રહી હતી ત્યારે ઉચ્છલ–નિઝર હાઈવે પર તેમની સામસામે અથડામણ થઈ હતી. અથડામણ બાદ એક બાઈકમાં આગ ભભૂકી ઉઠી હતી. આસપાસના લોકોએ તાત્કાલિક આગ બુઝાવવાનો પ્રયાસ કર્યો અને પોલીસને જાણ કરી હતી.

અનિકેત રેહમાનસીંગ વસાવે

મૃતદેહોને પોસ્ટમોર્ટમ માટે મોકલ્યા

મૃત્યુ પામેલા ત્રણેય યુવકો કુકરમુંડા તાલુકાના ગંગથા અને બોરીકુવા ગામના રહેવાસી હોવાનું જાણવા મળ્યું છે. અકસ્માતની જાણ થતાં પોલીસ ઘટના સ્થળે પહોંચી હતી અને મૃતદેહોને પોસ્ટમોર્ટમ માટે મોકલી આપ્યા હતા.

પિયુશ રાજુ વળવી

પોલીસે ગુનો નોંધી તપાસ શરૂ કરી

પોલીસ દ્વારા અકસ્માત અંગે વધુ તપાસ હાથ ધરવામાં આવી છે. અકસ્માતના ચોક્કસ કારણ અંગે તપાસ પૂર્ણ થયા બાદ જ વધુ માહિતી બહાર આવશે. આ ઘટનાથી વિસ્તારમાં શોકનો માહોલ છવાઈ ગયો છે અને સ્થાનિક લોકોએ માર્ગ સુરક્ષા અંગે વધુ કડક પગલાં લેવા માંગણી કરી છે.

આ પણ વાંચોઃ ખેડૂતોને રાહત: જમીન માપણીની ભૂલો સુધારવા ગુજરાત સરકારે લીધો મોટો નિર્ણય, જાણો કેવી રીતે?

આણંદના ગામડી પાટિયા પાસે ગમખ્વાર અકસ્માત

આણંદના ગામડી પાટિયા પાસે ગમખ્વાર અકસ્માત સર્જાવા પામ્યો હતો. આઈસર ટેમ્પોએ બાઈક પર સવાર પોલીસ જવાનને અડફેટે લીધા હતા. નડિયાદ રૂરલ ASI અરૂણદાન ગઢવીનું ઘટના સ્થળે જ મોત નિપજ્યું હતું. અકસ્માતને લઈને પોલીસે મૃતદેહને પીએમ અર્થે હોસ્પિટલ મોકલ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ