ક્રાઈમ / વડોદરા નજીક ટ્રેનમાં MD ડ્રગ્સનો મોટો જથ્થો ઝડપાયો, DRIએ કરી મોટી કાર્યવાહી

વડોદરા નજીક દોડતી પશ્ચિમ એક્સપ્રેસ ટ્રેનમાં DRIએ MD ડ્રગ્સનો મોટો જથ્થો ઝડપી પાડ્યો છે. ડીઆરઆઈએ નાઈજિરિયન મહિલાની ધરપકડ કરી છે. DRI ની ટીમને બાતમી મળી હતી કે અમૃતસરથી બાંદ્રા જતી પશ્ચિમ એક્સપ્રેસ ટ્રેન મારફતે પ્રતિબંધિત માદક પદાર્થની હેરાફેરી થઈ રહી છે. બાતમી મળતાં જ DRIના અધિકારીઓએ ચાલુ ટ્રેનમાં જ સઘન ચેકિંગ શરુ કર્યું હતું જેમાં નાઈજિરિયન મહિલા પાસેથી નશીલો પદાર્થ મળી આવ્યો હતો.

અમૃતસરથી બાંદ્રા જતી ટ્રેનમાં ડ્રગ્સ કબ્જે કરાયું

ટ્રેન અમૃતસરથી બાંદ્રા જતી હતી અને તેમાં ડ્રગ્સ કબજે કરાયું છે.પોલીસ હાલમાં નાઈજેરિયન મહિલાની પૂછપરછ કરી રહી છે.

એક્સપ્રેસ હાઈવે પરથી 25.5 કરોડનું ડ્રગ્સ ઝડપાયું

હજુ બે દિવસ પહેલાં જ સુરત અને અમદાવાદ ક્રાઇમ બ્રાન્ચની સંયુક્ત ટીમે અમદાવાદના એક્સપ્રેસ હાઈવે સીટીએમ ટોલનાકા પાસે રામોલ પાસે એક્સપ્રેસ હાઈવે પરથી 25.5 કરોડનું ડ્રગ્સ ઝડપી પાડ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ