ગાંધીનગર / ગુજરાત સરકારે પેન્શનર્સને આપી દિવાળી ગિફ્ટ, મોંઘવારી ભથ્થામાં કર્યો વધારો, જાણો કેટલો?

ગુજરાત સરકારે પાંચમા પગાર પંચ હેઠળ પેન્શન મેળવતા રાજ્યના પેન્શનર્સ અને ફેમિલી પેન્શનર્સ માટે મોંઘવારી ભથ્થામાં વધારો કર્યો છે. રાજ્ય સરકારે કરેલા ઠરાવ પ્રમાણે, મોંઘવારી ભથ્થાનો દર 1 જાન્યુઆરી, 2024થી વધારીને 443% કરવામાં આવ્યો છે. આ સાથે 1 જુલાઈ, 2021થી 30 જૂન, 2024 સુધીના વિવિધ સમયગાળાના મોંઘવારી રાહતના તફાવતની રકમ એટલે કે એરિયર્સ ચૂકવવાની જોગવાઈ પણ કરવામાં આવી છે.

આ પણ વાંચોઃ પાટણના વેપારીને અમદાવાદની ઠગબાજ મહિલાએ ચોપડ્યો લાખોનો ચૂનો, કિસ્સો ચોંકાવનારો

એરિયર્સ પણ ચુકવાશે

સરકારે પેન્શનર્સ માટે એરિયર્સ ચુકવણીની પણ જાહેરાત કરી છે. નાણા વિભાગના ઠરાવ પ્રમાણે, જુલાઈ 2021થી જૂન 2024 સુધીના 131% એરિયર્સની ચૂકવણી થશે.

પેન્શનરને કેટલો ફાયદો થશે?

જો કોઈ પેન્શનરનું મૂળ પેન્શન ₹10,000 હોય, તો 381%ના દરે મોંઘવારી ભથ્થું ₹38,100 થાય છે, જ્યારે 443%ના દરે ₹44,300 થાય છે. આ પ્રમાણે બંને દર વચ્ચે દર મહિને ₹6,200નો તફાવત થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ