દુર્ઘટના / અમદાવાદના દાણીલીમડા પોલીસ સ્ટેશનમાં લાગી ભયાનક આગ, 15થી વધુ વાહનો બળીને ખાખ

અમદાવાદના દાણીલીમડા પોલીસ સ્ટેશન પરિસરમાં શોર્ટ સર્કિટને કારણે ભયાનક આગ ફાટી નીકળી હતી જેમાં જપ્ત કરાયેલા 15થી વધુ વાહનો બળીને ખાખ થઈ ગયા હતા. સદનસીબે ફાયર વિભાગે સમયસર આગ પર કાબુ મેળવી લેતા મોટું નુકસાન થતું અટકી ગયું હતું.

ધૂમાડાના ગોટેગોટે દેખાયો

ઘટનાની જાણ થતાં જ પોલીસ સ્ટેશન અને આસપાસના વિસ્તારમાં ભારે અફરાતફરી મચી ગઈ હતી, અને આકાશમાં ધુમાડાના કાળા ડિબાંગ ગોટેગોટા દૂર-દૂર સુધી ફેલાતા નજરે પડ્યા હતા.

ઘણા વાહનોમાં પેટ્રોલ હોવાને કારણે આગ વધુ ભડકી

ઘણા વાહનોમાં ઇંધણ હોવાના કારણે આગે વધુ ઉગ્ર સ્વરૂપ પકડ્યું હતું, જેનાથી થોડીવાર માટે ભયનો માહોલ સર્જાયો હતો.

વધુ વાંચો : 12માં ધોરણની વિદ્યાર્થીનીએ સ્કૂલમાં આગ ચાંપીને કરી લીધી આત્મહત્યા, 3 પાનાની સુસાઈડ નોટ લખી

ફાયરબ્રિગેડે આગ પર મેળવ્યો કાબૂ

પોલીસ સ્ટેશનમાં આગ લાગ્યાની માહિતી મળતાની સાથે જ ફાયરબ્રિગેડની ટીમો તાત્કાલિક ઘટનાસ્થળે દોડી આવી હતી. ફાયર જવાનોએ ભારે જહેમત અને પાણીનો મારો ચલાવીને આગ પર કાબૂ મેળવી લીધો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ