IND vs AFG / VIDEO: ચાલુ મેચમાં સ્ટેડિયમમાં ભયંકર બબાલ, યુવકોએ એકબીજાને લાત-મુક્કા માર્યા, વીડિયો જોઈને લોકોએ કહ્યું- કોહલી-નવીનથી કશુંક તો શીખો

• મેચ દરમિયાન બધાની નજર વિરાટ કોહલી અને નવીન ઉલ હક પર હતી
• મેચમાં ખેલાડીઓ વચ્ચે નહીં પણ ફેન્સ વચ્ચે થઈ ટક્કર 
• ફેન્સ વચ્ચે થયેલ બોલાચાલીનો વિડીયો થયો વાયરલ 

દિલ્હીના અરુણ જેટલી સ્ટેડિયમમાં ભારત અને અફઘાનિસ્તાન વચ્ચે રમાયેલી વર્લ્ડ કપની મેચ એકતરફી સાબિત થઈ. બીજી મેચમાં ભારતે અફઘાનિસ્તાનને 8 વિકેટે હરાવ્યું હતું. 273 રનના ટાર્ગેટના જવાબમાં ભારતે 35 ઓવરમાં મેચ જીતી લીધી હતી. કેપ્ટન રોહિત શર્માએ 131 રનની સદીની ઇનિંગ રમી હતી. આ દરમિયાન બધાની નજર ટીમ ઈન્ડિયાના સ્ટાર બેટ્સમેન વિરાટ કોહલી અને અફઘાનિસ્તાનના ફાસ્ટ બોલર નવીન ઉલ હક પર હતી. 

Afghan who was supporting Afghan team was beaten by Indians in the stadium during #IndiavsAfghanistan match #WorldCup2023 pic.twitter.com/h2cn15Czb2

— South Asian Journal (@sajournal1) October 12, 2023

મેચમાં ખેલાડીઓ નહીં પણ ફેન્સની થઈ ટક્કર 
એ વાત તો આપણે બધા જાણીએ જ છીએ કે આ વર્ષે આઈપીએલ મેચમાં આ બંને ખેલાડીઓની એકબીજા સાથે ટક્કર થઈ હતી અને એ બાદ બંને એકબીજા સાથે કેવી રીતે વર્તે છે તે દરેકને જોવાની ઈચ્છા હતી. જો કે ગઇકાલની આ મેચમાં વિરાટ કોહલી અને નવીન ઉલ હક વચ્ચે ઘણા મહિનાઓથી ચાલી રહેલી દુશ્મનાવટનો અંત આવ્યો. બંને ખેલાડીઓ એકબીજાને ગળે લગાવતા જોવા મળ્યા હતા. પરંતુ આ બધા વચ્ચે અરુણ જેટલી સ્ટેડિયમમાંથી ઝઘડાનો વધુ એક વીડિયો વાયરલ થયો છે. 

ફેન્સ વચ્ચે થયેલ બોલાચાલીનો વિડીયો થયો વાયરલ 
મેચ દરમિયાન વિરાટ અને નવીન વચ્ચે કોઈ મસાલેદાર એક્શન જોવા નથી મળ્યું પરંતુ સ્ટેડિયમમાં બેઠેલા દર્શકોએ હંગામો મચાવ્યો હતો. સ્ટેન્ડમાં મેચ જોઈ રહેલા કેટલાક લોકો વચ્ચે લડાઈ થતી જોવા મળે છે. વીડિયોમાં જોઈ શકાય છે કે કેટલાક લોકો વચ્ચે બોલાચાલી થઈ રહી છે. થોડીવારમાં આ બોલાચાલી મારામારીમાં ફેરવાઈ જાય છે. વીડિયોમાં કેટલાક લોકો લડાઈ રોકવાનો પ્રયાસ કરતા પણ જોવા મળી રહ્યા છે. જો કે, આ લડાઈ શું હતી તે સ્પષ્ટ નથી. આ વીડિયો સામે આવ્યા બાદ લોકોએ તેના પર વિવિધ પ્રકારની પ્રતિક્રિયાઓ આપી રહ્યા છે.

Yeh chashme wala ladka kitna khush ho kr dekhne k liye khada ho raha 🤣🤣 pic.twitter.com/NAaI4HqyU0

— J (@jaankiii_) October 11, 2023

આપણે વિરાટ અને નવીન પાસેથી શીખવાની જરૂર છે
વાયરલ ક્લિપમાં જોઈ શકાય છે કે 3 થી 4 લોકો એક દર્શકને મારવા લાગે છે. આટલું જ નહીં, તેઓ યુવકને નીચે પણ પાડી દે છે.  યુઝર્સ કોમેન્ટ કરીને પોતાની પ્રતિક્રિયા આપી રહ્યા છે. જેમાં ઘણા લોકોએ લખ્યું કે ઝઘડો ન કરવો જોઈએ, આપણે વિરાટ અને નવીન પાસેથી શીખવાની જરૂર છે. 

કેવો રહ્યો ગઇકાલનો મેચ 
મેચની વાત કરીએ તો અફઘાનિસ્તાને ટોસ જીતીને પહેલા બેટિંગ કરવાનો નિર્ણય લીધો હતો. શરૂઆતમાં આ નિર્ણય સાચો સાબિત થયો ન હતો. અફઘાનિસ્તાને પચાસ ઓવરમાં 272 રન બનાવ્યા હતા. ભારત તરફથી જસપ્રીત બુમરાહ સૌથી સફળ બોલર રહ્યો હતો. તેણે ચાર વિકેટ ઝડપી હતી. હાર્દિક પંડ્યાએ બે જ્યારે શાર્દુલ ઠાકુર અને કુલદીપને એક-એક વિકેટ મળી હતી. 

Delhi finally got to watch a fight but not between VK and Naveen.
The fans started Fighting amongst themselves.#INDvsAFG #ICCCricketWorldCup23 #ICCMensCricketWorldCup2023 pic.twitter.com/iR95abz4DC

— Bouncer Avenue (@BouncerAvenue) October 11, 2023

જવાબમાં રોહિતે શરૂઆતની કેટલીક ઓવરોમાં જ મેચને એકતરફી બનાવી દીધી હતી. રોહિતે 84 બોલમાં 131 રનની ઇનિંગ રમી હતી. આ સિવાય ઈશાન કિશને 47 રન, વિરાટ કોહલીએ અણનમ 55 રન અને શ્રેયસ અય્યરે 25 અણનમ રન બનાવ્યા હતા.