VIDEO / પછી તો તમે જીન્સ અને કોન્ડોમ પણ માગશો, સેનેટરી પેડની માગ કરતા વિદ્યાર્થીઓ પર ભડક્યા અધિકારી

• બિહાર મહિલા વિકાસ નિગમના મેનેજિંગ ડિરેક્ટરનો વીડિયો વાયરલ
• છોકરીઓએ કહ્યું શું અમને 20-30 રૂપિયાના સેનિટરી પેડ ન આપી શકાય ?
• મેનેજિંગ ડિરેક્ટરે કહ્યું આજે તમે સેનેટરી પેડ માંગી રહ્યા છો, કાલે તમે કોન્ડોમ માંગશો

બિહાર મહિલા વિકાસ નિગમના મેનેજિંગ ડિરેક્ટરનો એક વીડિયો હાલ સોશિયલ મીડિયામાં વાયરલ થઈ રહ્યો છે. વાત જાણે એમ છે કે, એક કાર્યક્રમ દરમ્યાન શાળાની છોકરીઓએ સેનેટરી પેડ વિનામૂલ્યે આપવા વિનંતી કરી. તેના જવાબમાં એમડી હરજોત કૌરે કહ્યું, 'આજે તમે સેનેટરી પેડ માંગી રહ્યા છો, કાલે તમે કોન્ડોમ માંગશો.' 

વાયરલ થયેલા વીડિયોમાં સ્કૂલની વિદ્યાર્થિનીઓને ફ્રી સેનિટરી નેપ્કિન્સ આપવાની માગણી કરતી જોઈ શકાય છે જેથી તેમને તેમની જરૂરિયાતો માટે બીજા પર નિર્ભર ન રહેવું પડે. એક શાળાની છોકરીએ પ્રશ્ન કર્યો, “સરકાર ઘણી બધી મફત સામગ્રી આપી રહી છે. શું અમને 20-30 રૂપિયાના સેનિટરી પેડ ન આપી શકાય ?"

मैडम ! बेटियां इन जवाबों से कैसे सशक्त होंगी ??

छात्रा ने सैनिटरी पैड न मिलने पर आईएएस ऑफ़िसर से सवाल क्या पूछा मैडम तो भड़क ही गयी।

बोली सरकार से सब मुफ्त में चाहिए तो कल निरोध भी मांगोगी

खुद जनता के टैक्स पर ऐश कर रही हैं,बेवकूफी की इंतहा है,मत दो वोट चली जाओ पाकिस्तान !! pic.twitter.com/73ytFnA7Ce

— Yogita Bhayana योगिता भयाना (@yogitabhayana) September 28, 2022

આ તરફ IAS ઓફિસર હરજોત કૌરે યુવતીના સવાલનો જવાબ આપતા કહ્યું, શું માંગણીઓનો કોઈ અંત છે ? કાલે તમે કહેશો કે સરકાર જીન્સ અને સુંદર શૂઝ આપી શકે છે. જ્યારે કુટુંબ નિયોજનની વાત આવે છે, ત્યારે તમારે મફત કોન્ડોમની પણ જરૂર છે." હરજોત કૌરે કહ્યું, "તમારે સરકાર પાસેથી વસ્તુઓ લેવાની શી જરૂર છે ? આ વિચાર ખોટો છે."

જોકે છોકરીઓએ તેમના દાવાઓને નકારી કાઢતા કહ્યું કે, સરકાર મત માટે ચૂંટણી દરમ્યાન ઘણું કરવાનું વચન આપે છે. આ તરફ હરજોત કૌરે પાછળથી એક નિવેદન જાહેર કરીને કહ્યું કે, હું મહિલા અધિકારો અને સશક્તિકરણની સૌથી સ્પષ્ટવક્તા ચેમ્પિયન તરીકે જાણીતી છું. WCDC દ્વારા જે  લોકો સામે કાર્યવાહી કરવામાં આવી તે હવે એ હવે મારી પ્રતિષ્ઠાને કલંકિત કરી કરવાનો પ્રયાસ કરી રહ્યા છે.