પ્રવાસન / કચ્છનું નામ વિશ્વફલક પર ગુંજ્યુ, વિશ્વમાં ફરવા લાયક સ્થળોમાં કચ્છનું આ સ્થળ 3 નંબરનું સૌથી લોકપ્રિય સ્થળ

• કચ્છનું નામ વિશ્વફલક પર ગુંજ્યું
• ધ ન્યૂયોર્ક ટાઇમ્સ 2021ની યાદીમાં સ્થાન
• કડીયાધ્રોને ત્રીજા નંબર પર મળ્યું સ્થાન

ક્ચ્છનું નામ  પ્રવાસન ક્ષેત્રે વધુ એકવાર વિશ્વફલક પર ગુંજયું છે.ભુજના વિશ્વપ્રવાસી યુવાન વરુણ સચદે દ્વારા કંડારેલી ફોટો "કડીયા ધ્રો"ના સ્થળને ધ ન્યૂયોક ટાઈમ્સ માં વિશ્વના 52 સ્થળો પૈકી ત્રીજા નંબરે સ્થાન મળતા કચ્છમાં ખુશી વ્યાપી.

ભુજના વિશ્વપ્રવાસી યુવાન વરુણ સચદે દ્વારા કંડારેલી "કડીયાધ્રો" ની ફોટો અંકિત કરવામાં આવી હતી.ધ ન્યૂયોક ટાઈમ્સ દ્વારા વર્ષ ૨૦૨૧ માટે વિશ્વના ફરવાલાયક સ્થળો માટેની યાદી માટે 2 હજાર એન્ટ્રીઓ આવેલી જેમા વિશ્વભરના ફોટોગ્રાફર તેમજ પ્રવાસીઓની એન્ટ્રી ને પાછળ છોડી કચ્છના "કડીયા ધ્રો" સ્થળની પસંદગી ધ ન્યૂયોક ટાઈમ્સના એડિટર એમિલી પામર દ્વારા વરુણ સચદે નું કલાકો ના ઇન્ટરવ્યૂ બાદ કરવામાં આવ્યો હતો. 

 કુદરતી પહાડોની ઉભી કોતરો ના રસ્તાઓ વચ્ચે થી પસાર થઈ "કડીયા ધ્રો" પહોંચાય છે.ત્યાંની કુદરતી નકસીકામ જોઈ લોકો અદભુત અનુભવ જોવા મળે છે.કચ્છભરમાં આવતા પ્રવાસીઓ આ સ્થળની મુલાકાત લઈ ચોક્કસથી બોલી ઉઠશે કે "ક્ચ્છ નહિ દેખા તો કુછ નહિ દેખા"