OMG / યુવકને પેટમાં દુ:ખાતું હતું, ઓપરેશન કર્યું તો અંદરથી નીકળ્યા નટ-બોલ્ટ, સ્ક્રૂ, સેફટી પિન, લોકેટ... ડોક્ટરે કહ્યું મેં જીવનમાં આવો કેસ નથી જોયો

• પંજાબના મોગા શહેરમાંથી ચોંકાવનારી ઘટના સામે આવી
• એક ઓપરેશનમાં વ્યક્તિના પેટમાંથી નિકળી અજીબ વસ્તુઓ
• માણસને ઘણા દિવસોથી પેટમાં દુખાવો થતો હતો

પંજાબના મોગા શહેરમાં 40 વર્ષનો એક વ્યક્તિ પેટમાં દુખાવાની ફરિયાદ સાથે હોસ્પિટલ પહોંચ્યો હતો. ડોક્ટરને જણાવ્યું કે તેને થોડા દિવસોથી તાવ અને ઉલ્ટી થઈ રહી છે. તપાસ માટે જ્યારે એક્સ-રે ટેસ્ટ કરવામાં આવ્યો ત્યારે રિપોર્ટ જોઈને ડોક્ટરો પણ આશ્ચર્યચકિત થઈ ગયા. ત્રણ કલાક સુધી ચાલેલી આ સર્જરીમાં વ્યક્તિના પેટમાંથી ઈયરફોન, નટ-બોલ્ટ, સ્ક્રૂ, રાખડી, રોઝરી, સ્ક્રૂ, સેફ્ટી પિન, લોકેટ સહિત 100થી વધુ વસ્તુઓ બહાર કાઢવામાં આવી હોવાનું જાણવા મળે છે. આ ઘટના મોગાની મેડિસિટી સ્પેશિયાલિટી હોસ્પિટલમાં બની હતી. કુલદીપ સિંહ 26 સપ્ટેમ્બરે હોસ્પિટલ પહોંચ્યા હતા. તેને ખૂબ તાવ હતો, ઉલ્ટી થઈ રહી હતી અને પેટમાં સખત દુખાવો હતો. કુલદીપે ડોક્ટરને જણાવ્યું કે તે બે વર્ષથી પેટમાં દુખાવો અનુભવે છે.

પેટની અંદરથી લોકેટ, ચેન, નટ, બોલ્ટ, ઈયરફોન જેવી ઘણી ધાતુની વસ્તુઓ મળી આવી 

એક્સ-રે પછી કુલદીપના પેટની અંદરથી લોકેટ, ચેન, નટ, બોલ્ટ, ઈયરફોન જેવી ઘણી ધાતુની વસ્તુઓ મળી આવી હતી, જેના પછી તેનું ઓપરેશન કરવાનો નિર્ણય લેવામાં આવ્યો હતો. એક અહેવાલ મુજબ આ સર્જરી સર્જન અનુપ હાંડા અને ગેસ્ટ્રોએન્ટેરોલોજિસ્ટ ડૉક્ટર વિશ્વનુર કાલરા દ્વારા કરવામાં આવી હતી. તેણે કહ્યું કે કુલદીપ પિકા ડિસઓર્ડરથી પીડિત હતો.તેમણે જણાવ્યું કે તીક્ષ્ણ વસ્તુઓ ખાવાથી દર્દીને પેટમાં ગંભીર ઈજાઓ થઈ છે. સર્જરી સફળ રહી પરંતુ કુલદીપ હજુ પણ વેન્ટિલેટર પર છે. તેની હાલત ગંભીર છે.

કુલદીપ બે વર્ષથી પેટમાં દુખાવાને કારણે ઊંઘી શકતો ન હતો

આ વ્યક્તિના પરિવારે જણાવ્યું કે કુલદીપ બે વર્ષથી પેટમાં દુખાવાને કારણે ઊંઘી શકતો ન હતો. પરિવારજનોએ જણાવ્યું કે તેઓ પહેલા અનેક ડોકટરો પાસે ગયા પરંતુ કોઈ અસર ન થઈ. આ બધી વસ્તુઓ પેટમાં કેવી રીતે અને ક્યારે ગઈ તે અંગે પરિવાર પાસે કોઈ માહિતી નથી. પરિવારના જણાવ્યા અનુસાર કુલદીપ માનસિક રીતે પણ પરેશાન હતો.