ચૂંટણી / UPમાં આજે પહેલા તબક્કાનું મતદાન શરૂ, 623 ઉમેદવારોનું ભવિષ્ય આજે નક્કી થશે

• ઉત્તરપ્રદેશમાં પહેલા તબક્કાનું મતદાન શરૂ 
• 11 જિલ્લાઓની 58 સીટો પર આજે પહેલું મતદાન 
• પહેલા તબક્કામાંજ મુજફફ્રરનગરનું ઈવીએમ મશીન ખરાબ 

ઉત્તરપ્રદેશમાં આજે 11 જિલ્લાઓની 58 સીટો પર પહેલા તબક્કાનું મતદાન થઈ રહ્યું છે. આ સીટો ખરેખરમાં ભાજપ માટે મોટો પડકાર છે. સવારના 7 વાગ્યાથી મતદાન શરૂ થઈ ગયું છે અને સાંજે 6 વાગ્યા સુધી મતદાન ચાલવાનું છે. કોરોનાને કારણે વોટિંગનો સમય 1 કલાક સુધી વધારી દેવામાં આવી છે. આજે પહેલા તબક્કામાં 623 ઉમેદવારોના નસીબનો નિર્ણય લેવાઈ જશે 

People form queues at booth number 299 - at Public Inter College - in Kairana as voting for the first phase of #UttarPradeshElections begins. pic.twitter.com/GYEBLkXypH

— ANI UP/Uttarakhand (@ANINewsUP) February 10, 2022

5535 પોલિંગ સેન્ટર સંવેદનશીલ 

આ 58 સીટો માંથી 12 સીટો ઘણી સંવેદનશીલ છે. આ સીટો ફતેહાબાદ, આગરા દક્ષિણ, છાતા, મથુરા, સરથાના,બાહ, મેરઠ.છપરોલી, બડૌત, બાગપત અને કૈરના છે. પહેલાજ તબક્કામાં 898 મહોલ્લા અને 5535 પોલિંગ સેન્ટર સંવેદનશીલ રાખવામાં આવ્યા છે. 

મુજફ્ફરનગરમાં EVM ખરાબ 

જોકે પહેલા તબક્કાના મતદાનમાંજ EVM મશીન ખરાબ હોવાનું સામે આવ્યું છે. મજફ્ફરનગરના ઈસ્લામિયા ઈન્ટર કોલેજ પોલિંગ બૂથ પર EVM ખરાબ હોવાનું સામે આવ્યું જેના કારણે વોટિંગ શરૂ ન થઈ શક્યું. જોકે બાકીની અન્ય જગ્યાઓ સવારના 7 વાગ્યાથી વોટિંગ શરૂ કરી દેવામાં આવ્યું છે. 

મોટી સંખ્યામાં સુરક્ષા તૈનાત કરવામાં આવી 

ઉલ્લેખનીય છે કે પહેલા તબક્કાનું મતદાન ઉત્તરપ્રદેશમાં શરૂ થઈ ચુક્યું છે. જેથી દરેક કેન્દ્ર પર અર્ધ સૈનિક બળ તૈનાત કરવામાં આવ્યા છે. સુરક્ષા વ્યવસ્થા માટે 800 કંપનીઓ સાથેજ અર્ધ સૈનિક બળની 27 કંપનીઓ મુકવામાં આવી છે. આ સીવાય 9464 નિરીક્ષક અને ઉપ વનિરીક્ષક રાખવામાં આવમાં આવ્યા છે. કુલ 48136 હોમગાર્ડ પણ તૈનાત કરવામાં આવ્યા છે. 505 જેટલા પીઆરડી જવાન અને 6061 ચૌકીદારોને મુકવામાં આવ્યા છે.