- ડાકોરમાં સાધુ સંતોએ નગારાની આરતી ઉતારી પૂજા કરી
- આ નગારાની ગુંજ હવે અયોધ્યામાં સંભળાશે
- નગારાનું ઠેર ઠેર પૂજા અર્ચનાં કરવામાં આવી
22 મી જાન્યુઆરી અયોધ્યા રામ મંદિરની પ્રાણ પ્રતિષ્ઠાને લઈ તમામ તૈયારીઓ પૂર્ણ કરી દેવામાં આવી છે. ત્યારે રામ મંદિરમાં અમદાવાદથી ડબગર સમાજ દ્વારા નગારૂ મોકલવામાં આવ્યું છે. જેનું ઠેર ઠેર સાઘુ સંતો તેમજ ભક્તો દ્વારા સ્વાગત કરવામાં આવી રહ્યું છે.
ડાકોર ખાતે સાધુ સંતોએ નગારાની મંત્રોચ્ચાર સાથે પૂજા કરી
આગામી 22 જાન્યુઆરીએ રામ જન્મભૂમિ અયોધ્યા ખાતે ભવ્ય રામ મંદિરની પ્રાણપ્રતિષ્ઠા થવા જઈ રહી છે. જેને લઈને રામભક્તોમાં ભારે ઉત્સાહ છે. અને દેશભરમાંથી લોકો પોતાનો સ્નેહ અયોધ્યા મોકલી રહ્યાં છે. તેમાં અમદાવાદનો ડબગર સમાજ પણ બાકાત નથી. કારણકે અમદાવાદના અખિલ ભારતીય ડબગર સમાજ દ્વારા 450 કિલોનું વિશાળ નગારું તૈયાર કરવામાં આવ્યું છે. અને આ નગારાને અયોધ્યા મોકલવામાં આવ્યું છે. ત્યારે આ નગારું યાત્રાધામ ડાકોર ખાતે પહોંચ્યું હતું. જ્યાં શોભાયાત્રા અને આતશબાજી સાથે મંદિરના મુખ્ય દરવાજે આ નગારાના વધામણાં કરવામાં આવ્યા હતા. એટલું જ નહીં, ડાકોરમાં સાધુસંતો દ્વારા નગારાની આરતી ઉતારી મંત્રોચ્ચાર સાથે પૂજા કરવામાં આવી હતી.
નગારાની વિશેષતાઓ
અમદાવાદના અખિલ ભારતીય ડબગર સમાજ દ્વારા તૈયાર કરાયેલું આ નગારું વિવિધ પ્રદેશોમાં ફરીને અયોધ્યા પહોંચશે. જ્યાં રામ મંદિરના પ્રાણપ્રતિષ્ઠા મહોત્સવમાં આ નગારાના નાદથી સમગ્ર અયોધ્યાનગરી ગુંજી ઉઠશે.અયોધ્યાના રામ મંદિરમાં સાંભળવા મળશે અમદાવાદના નગારાની ગૂંજશે.રામ મંદિરમાં અમદાવાદના 450 કિલોના નગારાનો ગુંજશે નાદ..જાન્યુઆરી મહિનામાં અયોધ્યા રામ મંદિરનો પ્રાણ પ્રતિષ્ઠાને લઈ અમદાવાદના ડબગર સમાજે વિશાળ નગારું બનાવ્યુ છે. 25 થી 30 કારીગરોએ દિવસ-રાત અથાગ મહેનત કરીને આ નગારું બનાવ્યું છે. આ નગારાનું વજન ૪૫૦ કિલો છે અને તે 56 ઇંચ પહોળું છે..નગારા પર સોના અને ચાંદીનો ઢોળ ચડાવવામાં આવ્યો છે. ૧ હજાર વર્ષના અંદાજિત આયુષ્ય સાથે નગારું બનાવમાં આવ્યું છે...ઉપરાંત નગારા પર બારીક કોતરણી કરાઈ છે. ૧૪ જાન્યુઆરીએ આ નગારું અયોધ્યા મોકલાશે. ૨૨મી જાન્યુઆરીએ રામ મંદિર પ્રાણ પ્રતિષ્ઠા સમયે ડબગર સમાજ નગારુ વગાડશે.
