તમારા કામનું / ડેબિટ કાર્ડ પર એમ જ નથી લખવામાં આવતા 16 આંકડાના નંબર, છુપાયેલી હોય છે ખૂબ જ મહત્વપૂર્ણ માહિતી

• હાલ ઘણો વર્ગ એવો છે જે હજુ પણ ડેબિટ કાર્ડ રાખે છે અને તેના દ્વારા જ પેમેન્ટ કરે છે
• ડેબિટ કાર્ડના 16 અંકોમાં છુપાયેલી  હોય છે ખૂબ જ મહત્વપૂર્ણ માહિતી
• ચાલો જાણીએ શું છે 16 આંકડાઓનો અર્થ..

બેન્કિંગ સેવાઓ સમયની સાથે સાથે ખૂબ જ સરળ બની રહી છે. એક સમય એવો હતો જ્યારે લોકોને પૈસા ઉપાડવા માટે કલાકો સુધી બેંકમાં રાહ જોવી પડતી હતી. પરંતુ ડેબિટ અને એટીએમ કાર્ડની શરૂઆત પછી આ ઝંઝટ પૂરી થઈ ગઈ હતી. હવે કોઈ પણ સમયે ATMની મુલાકાત લઈને પૈસા ઉપાડી શકે છે. સાથે જ રોકડ રકમ રાખવાની પણ સાથે રાખવાની ઝંઝટનો પણ અંત આવી ગયો છે. જો કે હાલ યુપીઆઈએ ઘણું કામ સહેલું કરી દીધું છે છતાં પણ ઘણો વર્ગ એવો છે જે હજુ પણ ડેબિટ કાર્ડ રાખે છે અને તેના દ્વારા જ પેમેન્ટ કરે છે. આમ કોઈ દુકાન પર ગયા કે અને કાર્ડ સ્વાઈપ કર્યું અને પેમેન્ટ થઈ ગયું. પરંતુ મુદ્દો અહીંથી શરૂ થાય છે કે શું તમે ક્યારેય વિચાર્યું છે કે આ નાનકડા કાર્ડમાં એવું શું છે? એવી તો કઈ ટેકનોલોજી છે જેને કારણે સીધા બેંકમાંથી પૈસા કપાઈ જાય છે. ચાલો જાણીએ 

કાર્ડના 16 અંકોમાં છુપાયેલી  હોય છે ખૂબ જ મહત્વપૂર્ણ માહિતી
જે લોકો ડેબિટ કાર્ડ વાપરે છે એમને જોયું જ હશે કે ડેબિટ કાર્ડ પર 16-અંકનો નંબર છપાયેલો હોય છે. આ 16 આંકડાઓ માં જ તમારા કાર્ડની ખૂબ જ મહત્વપૂર્ણ માહિતી છુપાયેલ હોય છે. આ આંકડાઓ તમારા વેરીફીકેશ, સિક્યોરીટી અને ઓળખ માટે ખૂબ જ ઉપયોગી છે. જ્યારે તમે કોઈપણ જગ્યા એ ડેબિટ કાર્ડથી પેમેન્ટ કરો છો ત્યારે તેમાં રહેલ એ 16 આંકડાઓ દ્વારા જ તમારો બેંક એકાઉન્ટ નંબર અને કાર્ડ કંપનીની માહિતી મળી રહે છે. 

ડેબિટ કાર્ડ પર છપાયેલા 16 આંકડાઓમાંથી પહેલા 6 અંક 'બેંક આઇડેન્ટીફિકેશન નંબર' હોય છે. એ પછીના 10 આંકડાઓને કાર્ડહોલ્ડરનો યુનિક નંબર કહેવામાં આવે છે. આ એટલા માટે કહેવામાં આવે છે કે જો ભૂલથી પણ કાર્ડ ખોવાઈ જાય તો તેને તરત જ બ્લોક કરી દેવું જોઈએ. ચાલો જાણીએ શું છે 16 આંકડાઓનો અર્થ..

આંકડાઓનો શું છે અર્થ 
પેહલા 6 અંકો દર્શાવે છે કે કઈ કંપનીએ આ કાર્ડ ઈશ્યુ કર્યું છે. તેને ઇશ્યૂ આઇડેન્ટિફિકેશન નંબર કહેવામાં આવે છે. આ સિવાયના સાતમા અંકથી 15મો અંક બેંક ખાતા સાથે સંબંધિત હોય છે. અને કાર્ડનો 16મો આંકડો જણાવે છે કે તમારું કાર્ડ કેટલા સમય માટે માન્ય છે. છેલ્લા અંકને ચેકસમ ડિઝિટ કહેવામાં આવે છે.