Assembly Elections 2023 / તેલંગાણામાં CM કેસીઆરનું શું થશે? બન્ને બેઠકો પર પાછળ, કોંગ્રેસ 40થી વધુ પર આગળ

• તેલંગાણામાં સીએમ કે ચંદ્રશેખર રાવને ઝટકો
• ગજવેલ અને કામારેડ્ડી બેઠક પર પાછળ
• કોંગ્રેસ 40થી વધુ બેઠકો પર આગળ 

તેલંગાણામાં આ વખતની ચૂંટણીમાં મોટો ઉલટફેર દેખાઈ રહ્યો છે. તેલંગાણામાં કોંગ્રેસ 40થી વધુ બેઠકો પર આગળ ચાલી રહી છે. એક્ઝિટ પોલમાં પણ તેની જીતની આગાહી કરવામાં આવી છે. પરંતુ સૌથી મોટો ઝટકો તો સીએમ કેસીઆર માટે છે, તેઓ બન્ને બેઠકો પરથી પાછળ ચાલી રહ્યાં છે. તેઓ ગજવલ અને કામારેડ્ડી બેઠક પર પાછળ ચાલી રહ્યાં છે. આ વખતે તેલંગાણામાં કોંગ્રેસનું રાજ આવે તેવી સંભાવના છે. 

કોંગ્રેસ 40થી વધુ બેઠકો પર આગળ 

આ વખતે તેલંગાણામાં મોટો ઉલટફેર થવાની સંભાવના છે. કોંગ્રેસ 40થી વધુ બેઠકો પર આગળ ચાલી રહી છે. શરુઆતના વલણમાં કોંગ્રેસે બહુમતી મેળવી લીધી છે. 

તેલંગાણામાં પહેલી વાર કોંગ્રેસની સરકાર આવે તો નવાઈ નહીં
તેલંગાણામાં પહેલી વાર કોંગ્રેસની સરકાર આવે તો નવાઈ નહીં. એક્ઝિટ પોલમાં કોંગ્રસનો હાથ ઉપર દેખાઈ રહ્યો છે. તેલંગાણાની શાસક પાર્ટી બીઆરએસ અને કોંગ્રેસ વચ્ચે સખત લડત ચાલી રહી છે. બીઆરએસ સતત ત્રીજી ટર્મ માટે સત્તા પર આવવાનું લક્ષ્ય રાખી રહી છે ત્યારે કોંગ્રેસને તે રાજ્યમાં પહેલી સરકાર બનાવવાનો વિશ્વાસ છે. બીઆરએસ તમામ 119 બેઠકો પર પોતાના દમ પર ચૂંટણી લડી રહી છે. કોંગ્રેસે પોતાના સહયોગી કોમ્યુનિસ્ટ પાર્ટી ઓફ ઈન્ડિયા (સીપીઆઈ) માટે એક સીટ છોડી દીધી છે. ભાજપ મેદાનમાં ત્રીજો મોટો દાવેદાર છે અને તે સત્તા વિરોધી મતો પર કાપ મૂકીને પરિણામને પ્રભાવિત કરી શકે છે. ભાજપે 119 બેઠકો પર ઉમેદવારો ઉભા રાખ્યા છે અને બાકીની આઠ બેઠકો અભિનેતા-રાજકારણી પવન કલ્યાણની આગેવાની હેઠળની તેની સહયોગી જનસેના પાર્ટી (જેએસપી) પર છોડી દીધી છે.