ટેક્નોલોજી / હવેથી UPI એપ જ જણાવી દેશે કસ્ટમરની સંપૂર્ણ કુંડળી, જાણો ફાયદાથી લઇને સાવધાની

UPI દ્વારા ડિજિટલ ટ્રાન્ઝેક્શન્સ કરતા કરોડો યુઝર્સ માટે એક મોટું અપડેટ આવનાર છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI)એ 30 જૂન 2025થી એક નવો નિયમ લાગુ કરશે. જેમાં હવે ફક્ત Google Pay, PhonePe અને Paytm જેવી એપ્સ પર રીસીવરના બેંક ખાતામાં રહેલું નામ જ દેખાશે. હાલમાં UPI ટ્રાન્ઝેક્શન દરમિયાન, રીસીવરનું નામ એ જ હોય છે જે યુઝરે તેના ફોનની કોન્ટેક્ટ લિસ્ટમાં સેવ કર્યું હોય છે. સાયબર ગુનેગારો તેનો ફાયદો ઉઠાવે છે અને નકલી અથવા ભ્રામક નામોનો ઉપયોગ કરીને લોકો સાથે છેતરપિંડી આચરે છે.

NPCIએ છેતરપિંડી અટકાવવા અને ટ્રાન્ઝેક્શન્સને સુરક્ષિત બનાવવા માટે આ મહત્વનું પગલું ભર્યું છે. નવા નિયમ મુજબ જ્યારે કોઈ યુઝર્સ મોબાઇલ નંબર, UPI ID અથવા QR કોડ સ્કેન કરીને પેમેન્ટ કરે છે ત્યારે યુઝર્સનું નામ તેના બેંક રેકોર્ડમાં નામ મુજબ સ્ક્રીન પર દેખાશે. મતલબ કે, યુઝર્સ દ્વારા સેવ કરાયેલ નામો હવે દેખાશે નહીં. આ નિયમ પર્સન-ટુ- પર્સન (P2P) અને પર્સન-ટુ- મર્ચંટ (P2M) ટ્રાન્ઝેક્શન્સ બંને પર લાગુ થશે.

• પેમેન્ટ રીત નહીં બદલાય
  UPI દ્વારા પૈસા મોકલવાની પદ્ધતિ પહેલા જેવું જ  રહેશે. યુઝર્સ મોબાઇલ નંબર, UPI ID અથવા QR કોડ દ્વારા પેમેન્ટ કરી શકે છે. જેમાં ફરક માત્ર એટલો જ હશે કે કન્ફર્મેશન પહેલાં દર્શાવવામાં આવેલું નામ બેંકમાં નોંધાયેલું નામ જ હશે.
  

આ થશે ફેરફારના ફાયદા
સાચું નામ દર્શાવવાથી નકલી અથવા ગેરમાર્ગે દોરનારા નામો અટકાવવામાં મદદ મળશે. જેથી છેતરપિંડી અટકાશે, યુઝર્સ હવે વ્યવહાર પહેલાં અસલી રીસીવરની ઓળખી શકશે, એક સમાન નામોને કારણે ખોટા વ્યક્તિને પૈસા મોકલવાની શક્યતા ઘટશે.

વધુ વાંચો : લોન લેવાનું વિચારી રહ્યાં છો? તો આટલી બાબતોનું અવશ્ય ધ્યાન રાખજો, નહીંતર...!

• યુઝર્સ માટે જરૂરી સાવધાનીઓ
  ટ્રાન્ઝેક્શન્સ કરતી વખતે સ્ક્રીન પર દેખાતા નામ કાળજીપૂર્વક તપાસો. જો નામ અજાણ્યું કે શંકાસ્પદ લાગે તો પેમેન્ટ રોકી દો. કોઈપણ અજાણ્યા QR કોડને સ્કેન કરતા પહેલા સાવચેત રહો. આ સિવાય કોઈપણ શંકાસ્પદ ગતિવિધિની જાણ તાત્કાલિક બેંકની કસ્ટમર સપોર્ટ ટીમ અથવા સંબંધિત એપ્લિકેશનને કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ