SAFF Championship / ફૂટબોલમાં પણ ઈતિહાસ રચવાની તૈયારીમાં ટીમ ઈન્ડિયા: લેબનાનને હરાવી ફાઇનલમાં એન્ટ્રી, જુઓ કયા દેશ સામે થશે ટક્કર

• ફૂટબોલમાં પણ ઈતિહાસ રચી શકે છે ટીમ ઈન્ડિયા
• ભારતીય ફૂટબોલ ટીમે SAFF ચેમ્પિયનશિપની ફાઇનલમાં જગ્યા બનાવી 
• ભારતીય ટીમે પેનલ્ટી શૂટઆઉટમાં લેબનોનને 4-2થી હરાવ્યું 
• ફાઈનલ મેચમાં ભારતનો સામનો કુવૈત સામે થશે 

ભારતીય ફૂટબોલ ટીમે SAFF ચેમ્પિયનશિપની ફાઇનલમાં જગ્યા બનાવી લીધી છે. વાત જાણે એમ છે કે, શનિવારે એટલે કે 1 જુલાઇએ બેંગલુરુના કાંતિરવા સ્ટેડિયમમાં રમાયેલી મેચમાં ભારતીય ટીમે પેનલ્ટી શૂટઆઉટમાં લેબનોનને 4-2થી હરાવ્યું હતું. ભારતની જીતનો હીરો ગોલકીપર ગુરપ્રીત સિંહ સંધુ હતો કે, જેણે શૂટઆઉટમાં કેટલાક શાનદાર બચાવ કર્યા હતા. 

આ મેચમાં નિર્ધારિત અને વધારાના સમય બાદ બંને ટીમો 0-0 થી બરાબરી પર હતી, ત્યારબાદ પેનલ્ટી શૂટઆઉટનો સહારો લેવામાં આવ્યો હતો.  પેનલ્ટી શૂટઆઉટમાં લેબનોનના બે પ્રયાસો નિષ્ફળ રહ્યા હતા, જ્યારે વાલિદ અને ખલીલ બદરે જ ગોલ કર્યા હતા. ભારત તરફથી ચારેય પ્રયાસો સફળ રહ્યા હતા. યજમાન ટીમ તરફથી કેપ્ટન સુનીલ છેત્રીએ પ્રથમ પેનલ્ટી કિક લીધી હતી. ત્યારબાદ અનવર અલી, મહેશ સિંહ અને ઉદંતા સિંહે પણ ગોલ કરવાની તક ગુમાવી ન હતી. હવે ફાઈનલ મેચમાં ભારતનો સામનો કુવૈત સામે થશે. કુવૈતે વધારાના સમયમાં બાંગ્લાદેશને 1-0થી હરાવીને ટાઈટલ મેચમાં જગ્યા બનાવી હતી.

A clinical penalty shootout sees INDIA 🇮🇳 progress to the #SAFFChampionship2023 FINAL!💙#LBNIND ⚔️ #BlueTigers 🐯 #IndianFootball ⚽️ pic.twitter.com/RH2luMdcOt

— Indian Football Team (@IndianFootball) July 1, 2023

ભારતે પાકિસ્તાનને પણ હરાવ્યું હતું 
મહત્વનું છે કે, ભારતે ગ્રુપ સ્ટેજમાં પાકિસ્તાનને 4-0થી હરાવીને પોતાના અભિયાનની શરૂઆત કરી હતી. ત્યારબાદ તેણે નેપાળને 2-0થી હરાવીને સેમીફાઈનલમાં જગ્યા બનાવી હતી. આ પછી ભારતે ત્રીજી લીગમાં કુવૈત સામે 1-1થી ડ્રો રમી હતી. ભારત અને કુવૈત બંને સાત પોઈન્ટ સાથે સમાપ્ત થયા, પરંતુ કુવૈત વધુ સારી ગોલ એવરેજના આધારે ગ્રુપ-એમાં ટોચ પર છે.

ટીમ ઈન્ડિયા 13મી વખ SAFF ફાઇનલમાં પહોંચી
ભારતીય ટીમ 13મી વખત સાઉથ એશિયન ફૂટબોલ ફેડરેશન (SAFF) ચેમ્પિયનશિપની ફાઇનલમાં પહોંચી છે. આ પહેલા તે આઠ વખત ચેમ્પિયન બની ચૂકી છે જ્યારે ચાર વખત તે રનર્સઅપ રહી હતી. 2003 સિવાય ભારત દરેક વખતે આ ટુર્નામેન્ટની ફાઇનલમાં પહોંચ્યું છે. હવે ભારતીય ટીમ નવમી વખત આ SAFF ચેમ્પિયનશિપ જીતવા માંગશે.

ભારત અને લેબનોનની મેચમાં કોણે શું કર્યું ? 

• સુનીલ છેત્રી (ભારત)-ગોલ
• હસન માતુક (લેબનોન)-પેનલ્ટી મિસ
• અનવર અલી (ભારત)-ગોલ
• વાલિદ એસ. (લેબનોન)-ગોલ
• એન. મહેશ સિંઘ (ભારત)-ગોલ
• મોહમ્મદ સાદિક (લેબેનોન)-ગોલ
• ઉદંતા સિંઘ (ભારત)-ગોલ
• ખલીલ બદર (લેબેનોન)-પેનલ્ટી મિસ