ક્રિકેટ / IND vs AUS: ...તો અમદાવાદની પીચ પર થશે ભારતનો ભવ્ય વિજય, જુઓ ટીમ ઇન્ડિયા કઇ રીતે બની જશે વર્લ્ડ ચેમ્પિયન

• ભારત અને ઓસ્ટ્રેલિયાની ટીમ વચ્ચે વર્લ્ડ કપની ફાઇનલ મેચ 
• નરેન્દ્ર મોદી સ્ટેડિયમની પીચને લઈ ક્રિકેટ ચાહકો ચિંતિત બન્યા
• 'અમદાવાદની પીચ કાળી માટીની છે જે સામાન્ય રીતે ધીમી હોય'

ICC Cricket World Cup 2023: ભારત અને ઓસ્ટ્રેલિયાની ટીમ વચ્ચે વર્લ્ડ કપની ફાઇનલ મેચ યોજાવા જઈ રહી છે. આ મેચ વિશ્વના સૌથી મોટા ક્રિકેટ સ્ટેડિયમ એટલે કે નરેન્દ્ર મોદી સ્ટેડિયમમાં રમાશે. આ મેચની પિચને લઈને તમામ ક્રિકેટ ચાહકો ચિંતિત છે પરંતુ આ બધાની વચ્ચે હવે પીચના અહેવાલ પણ જાણવા મળ્યા છે. ચાલો જણાવીએ કે આ પીચ પર કેટલા રન બનાવે તો ટીમ ઈન્ડિયાની જીત સુનિશ્ચિત થઈ શકે છે.

કેવી હશે અમદાવાદની પીચ?
17 નવેમ્બર શુક્રવારના રોજ ટીમ ઈન્ડિયાના કેપ્ટન રોહિત શર્માએ કોચ રાહુલ દ્રવિડ સાથે ખૂબ જ ગંભીરતાથી પીચનું નિરીક્ષણ કર્યું અને લાંબા સમય સુધી એકબીજાની વચ્ચે ચર્ચા પણ ચાલી હતી. જોકે ફાઈનલ મેચ જૂની પીચ પર રમાશે કે નવી પીચ પર તે અંગે હજુ સુધી કોઈ માહિતી સામે આવી નથી. જોકે ક્રિકેટ નિષ્ણાતોના મતે અમદાવાદની પીચ કાળી માટીની છે જે સામાન્ય રીતે ધીમી હોય છે. એક સમાચાર એજન્સીના અહેવાલ મુજબ ગુજરાત ક્રિકેટ એસોસિએશનના પીચ ક્યુરેટરે કહ્યું છે કે આ પીચ પર સતત હાર્ડ હિટિંગ કરી શકાતી નથી. તેથી જો ટીમ પ્રથમ બેટિંગ કરતી વખતે 315 રન બનાવે છે તો બહેતર રહેશે. 

વર્લ્ડ કપમાં પાછળથી બેટિંગ કરનાર ટીમને ફાયદો મળ્યો
જો કે, અમદાવાદના આ મેદાન પર અત્યાર સુધીમાં કુલ 4 મેચ રમાઈ છે, જેમાં માત્ર ત્રણ વખત છેલ્લી બેટિંગ કરનારી ટીમ જ મેચ જીતી શકી છે. આ મેદાન પર વર્લ્ડ કપની પ્રથમ મેચ પણ રમાઈ હતી. જેમાં ન્યૂઝીલેન્ડની ટીમે ઈંગ્લેન્ડ દ્વારા આપવામાં આવેલા 283 રનના લક્ષ્યને માત્ર 36.2 ઓવરમાં હાંસલ કરી લીધો હતો અને મેચ 9 વિકેટે જીતી લીધી હતી. આ સિવાય ભારતે પાકિસ્તાન સામે 193 રનનો ટાર્ગેટ પણ 20મી ઓવરમાં જ પાર કરી લીધો હતો. જેનો અર્થ એ થયો કે ટોસ જીત્યા બાદ નિર્ણય લેવામાં ટીમ ઈન્ડિયા અને ઓસ્ટ્રેલિયા બંને માટે ઘણી દુવિધા રહશે.