મુંઝવતો પ્રશ્ન / કોફી પીવી જોઈએ કે ચા! હેલ્ધી રહેવા સૌથી ફાયદા કારક શું? જવાબ લિમિટમાં રાખશે

• ચા કે કૉફી શું છે વધારે નુકસાનકારક
• કૉફીનું સેવન કરવાથી શુગર રહેશે કંટ્રોલ
• શરીર માટે લઇ લેજો તાત્કાલિક નિર્ણય

દુનિયાભરમાં ચા અને કૉફીનું સેવન સામાન્ય વાત છે પરંતુ ક્યારેક એવો વિચાર દરેકને આવે છે કે ચા કે કૉફી શું વધારે નુકસાનકારક છે. ચા-કૉફીને લઇને એટલી ચર્ચા તથા એટલા સર્વે થઇ ચૂક્યા છે કે હવે આ ગંભીર વિષય બની ગયો છે. 

કૅફિન : કૉફી કે ચા

એક કપ કૉફીમાં 100 મિલિગ્રામ કેફીન હોય છે જ્યારે ચામાં તેની માત્રા ફક્ત 50 મિલિગ્રામ જ હોય છે. કેફીન સ્વાસ્થ્ય માટે સારું છે પરંતુ જ્યાં સુધી તેનું સેવન માપમાં કરવામાં આવે. એક પ્રમાણમાં લેવામાં આવતું કેફીન નુકસાનકારક માનવામાં આવતું નથી. 

એન્ટીઑક્સિડેન્ટ
શરીરના ડિટોક્સિફિકેશન માટે એન્ટિઑક્સિડેન્ટ ખૂબ જરૂરી છે. કોફી કે ચા બંનેમાં આ ગુણ રહેલો છે પરંતુ ચાની તુલનામાં કૉફીમાં એન્ટિઑક્સિડેન્ટની માત્રા વધારે છે. 

શુગર કન્ટેન્ટ
જો શુગરને લઇને જોવામાં આવે તો કોફીની તુલનામાં ચામાં વધારે શુગર રહેલી છે. જે વ્યક્તિને ડાયબીટીઝ છે તે લોકો માટે કૉફી એક સારો ઓપ્શન છે. જે બ્લડશુગરને કાબૂમાં રાખવામાં મદદ કરે છે તેમજ ઇન્સૂલિનનું લેવલ જાળવી રાખે છે. 

કૉફી કે ચા શેનું સેવન યોગ્ય
ચા હોય કે કૉફી શરીર માટે બંને અમુક અંશે નુકસાનકારક જ છે પરંતુ માપમાં સેવન કરવામાં આવે તો તેના ફાયદા છે.

ચા-કૉફી પીવાથી બીમારીને પણ મળે છે આમંત્રણ
વધુ ચા-કૉફી પીવાથી કે મોડી રાત્રે ચા પીવાથી ઊંઘ ઓછી થઈ જાય છે. સાથે જ તમે ચીડિયાપણું અને થાક પણ અનુભવશો. રોજ સવારે ખાલી પેટ ચા કે કોફી પીઓ છો તો હાડકાં અને સાંધામાં દુખાવો થવા લાગે છે. જેના કારણે હાડકાં નબળાં પડી જાય છે.