Tata Technologies IPO / રોકાણકારો માટે સુર્વણ તક, ટાટા કંપની લાવી રહી છે પોતાનો IPO,શેરોનો ભાવ પણ ઉચકાશે.!

• આગામી બેથી ત્રણ મહિનામાં IPO જાહેર થશે. 
• ટાટા મોટર્સના શેરમાં પણ ઉછાળો આવવાની સંભાવના.
• આ શેર ઉચ્ચ રિટર્ન આપતું રોકાણ સાબિત થઈ શકે છે. 

જે રોકાણકારો રોકાણ કરવાનું વિચારી રહ્યા છે, તે લોકો માટે સારા સમાચાર છે. થોડા સમય પહેલા ટાટા ટેકનોલોજીસ લિમિટેડ (Tata Technologies Ltd)એ ઈનિશિયલ પબ્લિક ઓફર (IPO) લોન્ચ કરવા માટે ડોક્યુમેન્ટ અપલોડ કર્યા હતા. આગામી બેથી ત્રણ મહિનામાં આ કંપનીનો IPO જાહેર કરવામાં આવશે. ટાટા ટેકનોલોજીસના IPOને કારણે ટાટા મોટર્સના શેરમાં પણ ઉછાળો આવવાની સંભાવના છે. આ કારણોસર રોકાણકારો માટે આ શેર ઉચ્ચ રિટર્ન આપતું રોકાણ સાબિત થઈ શકે છે. 

ટાટા ટેકનોલોજીસ IPO 

• ટાટા ટેકનોલોજીસના IPOની કિંમત વિશે જાહેરાત કરવામાં આવી નથી. આ IPOની માર્કેટ કેપ 18,000 કરોડ રૂપિયાથી 20,000 કરોડ રૂપિયા રહેવાની સંભાવના છે. આ કારણોસર ટાટા મોટર્સના શેરધારકોને ફાયદો થવાની સંભાવના છે. 
• ટાટા મોટર્સ લિમિટેડ દ્વારા 81,133,706 ઈક્વિટી શેરના વેચાણની રજૂઆત કરવામાં આવી રહી છે. આ ઈશ્યૂ સંપૂર્ણપણે ઓફર ફોર સેલ (OFS) રહેશે. 
• ટાટા ટેકનોલોજીસના IPOની મદદથી કંપની શેરમૂડીના અંદાજિત 23.6 ટકાના આધારે 9.5 કરોડ શેર વેચવાની યોજના બનાવવામાં આવી રહી છે. 
• 18 વર્ષ પછી ટાટા કંપનીનો IPO જાહેર કરવામાં આવશે.  
• ટાટા ટેકનોલોજીસના શેર અધિગ્રહણ પછી ટાટા મોટર્સ માટે આ IPO પ્રોફિટ આપતો જાહેર થશે. ટાટા મોટર્સે સૂચના આપી છે કે, આ નાણાંકીય વર્ષમાં ક્વાર્ટર 3ની મજબૂત પરિસ્થિતિ રહેશે. આ IPO જાહેર થયા પછી ક્વાર્ટર 4માં પણ રેવન્યૂ વધવાની આશા રહેલી છે. 
• આ IPOની મદદથી ટાટા મોટર્સ લિમિટેડ દ્વારા 81,133,706 ઈક્વિટી શેરનું, અલ્ફા ટીસી હોલ્ડિંગ દ્વારા 9,716,853 ઈક્વિટી શરેનું તથા ટાટા કેપિટલ ગ્રોથ ફંડ દ્વારા 4,858,425 ઈક્વિટી શેરના વેચાણની રજૂઆત કરવામાં આવી છે. 

(DISCLAIMER: શેરમાર્કેટને લગતો આ આર્ટિકલ અનુભવ તેમજ મળતી માહિતીને આધારિત છે. આથી આપવામાં આવેલી જાણકારી અનુસાર રોકાણ કરવામાં જો તમને કોઇ પણ પ્રકારનું નુકસાન થશે તો તેની જવાબદારી અમારી રહેશે નહીં. કોઇ પણ શેરમાં રોકાણ કરતા પહેલાં નિષ્ણાંતની સલાહ લેવી આવશ્યક. આ આર્ટિકલ ફક્ત શેર બજારના ન્યૂઝના હેતુસર પબ્લિશ કરવામાં આવ્યો છે.)