ક્રિકેટ / 'યોર્કર મેન' તરીકે ઓળખાતા આ ખેલાડીને બે વર્ષથી નથી મળી રહ્યું ટીમમાં સ્થાન, માત્ર 7 આંતરરાષ્ટ્રીય મેચ રમી છે

• ટીમ ઈન્ડિયાના આ ખેલાડીનું કરિયર થઈ ગયું બરબાદ!
• વર્ષ 2020-21માં આ ખેલાડી એ ત્રણેય ફોર્મેટમાં ડેબ્યૂ મેચ રમી હતી
• કારકિર્દીની શરૂઆતમાં ભારતના 'યોર્કર મેન' તરીકે જાણીતો થયો હતો 

Team India T.Natarajan: વર્ષ 2020-21માં ટીમ ઈન્ડિયાનો ઓસ્ટ્રેલિયા પ્રવાસ ખૂબ જ યાદગાર રહ્યો હતો. ટીમ ઈન્ડિયાએ ટેસ્ટ મેચ જીતીને ઓસ્ટ્રેલિયામાં ઐતિહાસિક સીરિઝ જીતી હતી. આ પહેલા બંને ટીમો વચ્ચે ODI અને T20 સિરીઝ પણ રમાઈ હતી. આ પ્રવાસ પર ટીમ ઈન્ડિયાના એક ખેલાડીએ ત્રણેય ફોર્મેટમાં પોતાની ડેબ્યૂ મેચ રમી હતી પણ હવે આ ખેલાડી ટીમના પ્લાનમાં દૂર-દૂર સુધી દેખાતો નથી. સાથે જ આ ખેલાડીએ ભારત માટે તેની છેલ્લી મેચ રમ્યાને 2 વર્ષથી વધુ સમય થઈ ગયો છે.

As the saying goes, “The Sun will rise again tomorrow” and so will the SUNRISERS.

Focusing on the positives of the season, completely elated about having played infront of our spirit hoisting fans at Hyderabad.
Until Next time, #OrangeFireIdhi #OrangeArmy #IPL2023 pic.twitter.com/EbpEqEp2H8

— Natarajan (@Natarajan_91) May 22, 2023

ટીમ ઈન્ડિયાના આ ખેલાડીનું કરિયર થઈ ગયું બરબાદ!
અંહિયા અમે વાત કરી રહ્યા છીએ ટીમ ઈન્ડિયાના સ્ટાર ફાસ્ટ બોલર ટી. નટરાજનની. ટીમ ઈન્ડિયા માટે ટી. નટરાજને પોતાની છેલ્લી મેચ ક્યારે રમી હતી તે ભાગ્યે જ કોઈને યાદ હશે. ટી. નટરાજને તેની કારકિર્દી વર્ષ 2020 માં શરૂ કરી હતી. તેણે ત્રણેય ફોર્મેટમાં પોતાની ડેબ્યૂ મેચ ઓસ્ટ્રેલિયા સામે તેના ઘરે રમી હતી. પરંતુ ટી. નટરાજન લાંબા સમયથી ટીમ ઈન્ડિયામાં જગ્યા બનાવી શક્યા નથી. 32 વર્ષીય ટી નટરાજન ટીમની ટીમમાં પોતાનું સ્થાન બનાવવામાં નિષ્ફળ રહ્યો છે.

🧡🧡 https://t.co/NuX3vP2bcf

— Natarajan (@Natarajan_91) May 6, 2023

પહેલી જ ટેસ્ટ મેચમાં હીરો બન્યો હતો ટી. નટરાજન
વર્ષ 2020-21માં ઓસ્ટ્રેલિયાના પ્રવાસ પર ટેસ્ટ સીરિઝની છેલ્લી મેચ જાન્યુઆરીમાં ગાબા મેદાન પર રમાઈ હતી. ટી. નટરાજને આ મેચમાં ટેસ્ટ ડેબ્યૂ કર્યું હતું. ટી. નટરાજને મેચની પહેલી ઇનિંગમાં 24.2 ઓવર ફેંકીને 3 વિકેટ ઝડપી હતી. આ મેચ પણ ટીમ ઈન્ડિયાએ 3 વિકેટે જીતી હતી પણ આ મેચ પછી ટી. નટરાજન ભારતની ટેસ્ટ ટીમમાં પોતાનું સ્થાન બનાવી શક્યા નહોતા. સાથે જ એમને તેની છેલ્લી ODI અને T20 મેચ માર્ચ 2021 માં ઇંગ્લેન્ડ સામે રમી હતી.

નટરાજન માત્ર 7 આંતરરાષ્ટ્રીય મેચ રમી શક્યા 
ટી.નટરાજન તેમની કારકિર્દીની શરૂઆતમાં ભારતના 'યોર્કર મેન' તરીકે લોકો વચ્ચે ઓળખ બનાવી હતી. 'યોર્કર મેને' ભારત માટે 1 ટેસ્ટ મેચ, 4 T20 આંતરરાષ્ટ્રીય મેચ અને 2 ODI આંતરરાષ્ટ્રીય મેચ રમી છે. સાથે જ ટી નટરાજને ટેસ્ટમાં 3 વિકેટ, T20 ઈન્ટરનેશનલમાં 7 વિકેટ અને ODI ઈન્ટરનેશનલમાં 3 વિકેટ લીધી છે.