- 14 ઓક્ટોબરના રોજ વર્ષનું છેલ્લુ સૂર્યગ્રહણ
- વર્ષ 2023નું છેલ્લું સૂર્યગ્રહણ ભારતમાં જોવા નહીં મળે
- સૂર્યગ્રહણ દરમિયાન કેટલાક કાર્યો ના કરવા જોઈએ
સર્વપિતૃ અમાસના દિવસે 14 ઓક્ટોબરના રોજ વર્ષનું છેલ્લુ સૂર્યગ્રહણ લાગી રહ્યું છે. વર્ષ 2023નું છેલ્લું સૂર્યગ્રહણ ભારતમાં જોવા નહીં મળે. આ કારણોસર આ સૂર્યગ્રહણનો સૂતકકાળ ભારતમાં માન્ય નહીં ગણાય. તેમ છતાં સૂર્યગ્રહણ દરમિયાન કેટલાક કાર્યો કરવા તે અશુભ માનવામાં આવે છે.
ઘરથી બહાર ના નીકળવું- સૂર્યગ્રહણ દરમિયાન ઘરથી બહાર ના નીકળવું જોઈએ. આ દરમિયાન નકારાત્મક ઊર્જા વધધે છે, જેના કારણે નુકસાન થઈ શકે છે. આ કારણોસર સૂર્યગ્રહણ દરમિયાન ઘરમાંથી બહાર ના નીકળવું જોઈએ.
દેવી-દેવતાની મૂર્તિને સ્પર્શ ના કરવું- સૂર્યગ્રહણ દરમિયાન દેવી-દેવતાની મૂર્તિને સ્પર્શ ના કરવો જોઈએ. ગ્રહણ દરમિયાન મંદિર બંધ રાખવું જોઈએ. ગ્રહણમાં મંદિર ખુલ્લુ રાખવાથી દુખ અને દરિદ્રતાનો સામનો કરવો પડે છે.
માંગલિક કાર્ય ના કરવું- સૂર્યગ્રહણ દરમિયાન માંગલિક કાર્ય ના કરવા જોઈએ. આ કારણોસર નવા કાર્યનો શુભારંભ ના કરવો. માનવામાં આવે છે કે, આ દરમિયાન નકારાત્મક ઊર્જાને કારણે અશુભ ફળ પ્રાપ્ત થાય છે.
આ કામ ના કરવા- ગ્રહણ દરમિયાન નખ અને વાળ ના કાપવા જોઈએ. વાળ ના ઓળવા જોઈએ. આ પ્રકારે કરવાથી અશુભ પરિણામ મળી શકે છે.
ગરીબનું અપમાન ના કરવું- ગ્રહણ દરમિયાન ગરીબોનું અપમાન ના કરવું જોઈએ. આ પ્રકારે કરવાથી શનિદેવ નારાજ થાય છે અને જીવન પર અશુભ અસર થાય છે.
ભોજન ના કરવું- ગ્રહણ દરમિયાન ભોજન ના કરવું જોઈએ. ગ્રહણમાં રાહુ કેતુની નકારાત્મક અસર રહે છે. માનવામાં આવે છે કે, દરમિયાન ભોજન કરવાથી આરોગ્યની સમસ્યાનો સામનો કરવો પડે છે.
ઈશ્વરનું નામ લેવું- ગ્રહણ દરમિયાન પૂજા પાઠ ના કરવું, દરમિયાન ગાયત્રી મંત્ર અને મહામૃત્યુંજય મંત્રનો જાપ કરવાથી શુભ ફળની પ્રાપ્તિ થાય છે.
ગર્ભવતી મહિલાઓએ આ કામ કરવું- ગ્રહણ દરમિયાન અશુભ અસરથી બચવા માટે ગર્ભવતી મહિલાઓએ તેમની પાસે નારિયેળ રાખવું જોઈએ. ગ્રહણ પૂર્ણ થયા પછી નારિયેળ નદીમાં પ્રવાહિત કરી દેવુ જોઈએ. માનવામાં આવે છે કે, આ પ્રકારે કરવાથી ગ્રહણની અસર ઓછી થઈ જાય છે.
