BIG NEWS / માત્ર અભદ્ર ભાષા કહેવાથી ન લગાવી શકાય SC-ST એક્ટ: સુપ્રીમ કોર્ટનો મોટો ચુકાદો

• SC/ST એક્ટ મામલા પર સુપ્રીમ કોર્ટે કરી સુનાવણી
• કહ્યું એક્ટ SC/ST એક્ટની કલમ 3(1)(10) અંતર્ગત કેસ બનતો નથી
• જાતિગત ટિપ્પણી ન કરી હોવાને લીધે આ એક્ટ અંતર્ગત કેસ બનતો નથી

સુપ્રીમ કોર્ટે કહ્યું કે 'SC/ST Act 1989ની જોગવાઈઓ અનુસાર કોઈ વ્યક્તિની વિરુદ્ધમાં કેસ ચલાવવાથી પહેલા ચાર્જશીટમાં એ શબ્દોનો ઉલ્લેખ પણ જરૂરી છે જે આરોપીએ લોકોની સમક્ષ ઉચ્ચાર્યા હોય. તેનાથી કોર્ટને ખબર પડશે કે તે SC/ST એક્ટ અંતર્ગત ગુનો બને છે કે નહીં.' હાલમાં અનુસૂચિત જાતિ/જનજાતિની સામે અભદ્ર ભાષા ઉચ્ચારનારા વ્યક્તિની સામે ચાલી રહેલા કેસ દરમિયાન સુપ્રિમ કોર્ટે સુનાવણી દરમિયાન કેટલીક વાતોની સ્પષ્ટતા કરી હતી.

'જો જાતિગત ટિપ્પણી ન કરી હોય તો આ એક્ટ અંતર્ગત કેસ બનતો નથી'
અત્રે ઉલ્લેખનીય છે કે એક વ્યક્તિ વિરુદ્ધ SC/ST એક્ટની કલમ 3(1)(10) અંતર્ગત ચાર્જશીટ દાખલ થઈ હતી.  આ કલમ કોઈપણ એસસી, એસ.ટીનાં સદસ્યનું અપમાન કરવાનાં ઉદેશ્યથી સાર્વજનિક રૂપે જાણી જોઈને જાતિગત અપમાન કરવા કે ધમકી આપવા સંબંધિત હોય છે. આ કેસની સુનાવણી દરમિયાન જસ્ટિસ રવિન્દ્ર ભટ અને જસ્ટિસ દીપાંકર દત્તાની બેંચે કહ્યું કે  જ્યાં સુધી પીડિતને માત્ર એસ.સી કે એસ.ટી હોવાને કારણે ,સાર્વજનિક ધોરણે અપમાન કે ધમકી આપી નહોય ત્યાં સુધી આ એક્ટની કલમ 3(1)(10) અંતર્ગત ગુનો નથી બનતો.

⚡BIG

Foul language not enough to impose SC/ST Act case: Supreme Court

The Supreme Court on Friday held that using foul or abusive language against a member of Scheduled Castes and Scheduled Tribes would not be sufficient in itself to slap a case against a person under SC/ST… pic.twitter.com/322alMcu1W

— Bharggav Roy 🇮🇳 (@Bharggavroy) May 20, 2023

જાતિનો ઉલ્લેખ આરોપી દ્વારા કરવામાં આવ્યો નથી- કોર્ટ
કોર્ટે કહ્યું કે જો કોઈ વ્યક્તિ બીજા વ્યક્તિને જાહેર સ્થળ પર મૂર્ખ અથવા ચોર કહે છે તો ચોક્કસપણે આ અપશબ્દો કે અભદ્ર ભાષાનાં ઉપયોગથી જાણી જોઈને અપમાન કરવાનું કૃત્ય બનશે. પરંતુ આ શબ્દોનો ઉપયોગ SC/STની વિરુદ્ધ કરવામાં આવે છે તો જાતિગત ટિપ્પણીનાં અભાવને લીધે આ ગુનો કલમ 3(1)(10) અંતર્ગત બની શકે નહીં.કોર્ટે કહ્યું કે FIR અને ચાર્જશીટમાં મૌખિક વિવાદ દરમિયાન અરજદારની જાતિનો કોઈ ઉલ્લેખ આરોપી દ્વારા કરવામાં આવ્યો નથી.