દેશ / પ્રાઈવેટ સ્કૂલોને સુપ્રીમ કોર્ટમાંથી મોટી રાહત, ફી પાછી આપવાના આદેશ પર મૂક્યો સ્ટે, કયા રાજ્યને લાગું પડશે

• SCએ પ્રાઈવેટ સ્કૂલોને આપી મોટી રાહત
• અલ્હાબાદ હાઈકોર્ટનાં આદેશ પર લગાવી રોક
• UPની તમામ પ્રાઈવેટ સ્કૂલોએ નહીં કરવી પડશે ફીઝ પરત

નોઈડા સહિત સમગ્ર  UPનાં પ્રાઈવેટ સ્કૂલોને સુપ્રીમ કોર્ટ તરફથી મોટી રાહત આપવામાં આવી છે. સુપ્રીમ કોર્ટે પ્રાઈવેટ સ્કૂલો દ્વારા કોરોના કાળમાં લેવામાં આવેલી ફીઝમાંથી 15% પરત કરવા કે એડજસ્ટ કરવાનાં હાઈકોર્ટનાં આદેશ પર રોક લગાવી છે.

સુપ્રીમ કોર્ટે HCનાં નિર્ણય પર લગાવી રોક
કોરોનાકાળમાં લેવામાં આવેલી સ્કૂલ ફીઝને લઈને અલ્હાબાદ હાઈકોર્ટની તરફથી 15% ફીઝ પરત કરવા કે એડજસ્ટ કરવાનાં આદેશ આપ્યાં હતાં જેના પર સુપ્રીમ કોર્ટે હાલમાં રોક લગાવી છે. લોટસ વેલી સહિત અન્ય સ્કૂલોની તરફથી આ વિષય પર સુપ્રીમ કોર્ટમાં અરજી દાખલ કરવામાં આવી હતી.

લોટસ વેલી સ્કૂલે કરી હતી SCમાં અરજી
લોટસ વેલી ઈન્ટરનેશલ સ્કૂલની તરફથી સુપ્રીમ કોર્ટમાં દાખલ કરવામાં આવેલી અરજીમાં કહેવામાં આવ્યું હતું કે અલ્હાબાદ હાઈકોર્ટે તેમનો પક્ષ સાંભળ્યાં વિના આદેશ આપ્યો હતો. અલ્હાબાદ કોર્ટે પોતાના આદેશમાં કહ્યું હતું કે વર્ષ 2020-21માં રાજ્યની તમામ સ્કૂલોમાં લેવામાં આવેલી કુલ ફીઝનાં 15% જોડીને આગળનાં સેશનમાં એડજસ્ટ કરવામાં આવે. આ સાથે જ કોર્ટે કહ્યું હતું કે જે બાળકો સ્કૂલ છોડીને જતાં રહ્યાં છે તેમને સ્કૂલે વર્ષ 2020-21માં વસૂલવામાં આવેલી ફીઝનાં 15% પરત કરવાનાં રહેશે.

પહેલા જેવી સુવિધા ન આપતાં લેવાયો હતો નિર્ણય
આ વિષયમાં દાખલ કરવામાં આવેલી એક જનહિત અરજી પર સુનાવણી કરતાં અલ્હાબાદ હાઈકોર્ટે કહ્યું હતું કે જ્યારે કોરોનાકાળમાં પ્રાઈવેટ સ્કૂલ પહેલા જેવી સુવિધા નથી આપી રહ્યાં તો પહેલા જેવી ફીઝ પણ ન વસૂલી શકે. તેથી જ રાજ્યની તમામ પ્રાઈવેટ સ્કૂલોએ લેવામાં આવેલી ફીઝનાં 15% પરત કરવા પડશે.