આત્મઘાતી હુમલો / પાકિસ્તાની સેનાના કાફલા પર આત્મઘાતી હુમલો, 9 જવાનોના મોત, 17 ઘાયલ

• પાકિસ્તાનના ખૈબર પખ્તુનખ્વા વિસ્તારમાં આત્મઘાતી બોમ્બ ધડાકો
• 9 જવાનોના મોત થયા હોવાનું સામે આવ્યું 
• 17થી વધુ જવાનો ગંભીર રીતે ઇજાગ્રસ્ત

પાકિસ્તાન વધુ એક વખત આતંકની આગમાં ભડ ભડ સળગ્યું હતું. જેમાં પાકિસ્તાન ખૈબર પખ્તુનખ્વા વિસ્તારમાં આત્મઘાતી બોમ્બ ધડાકો થયો હતો. આ મોટી દુર્ઘટનામાં પાકિસ્તાન સેનાના 9 જવાનોના મોત થયા હોવાનું સામે આવ્યું છે. તથા 17થી વધુ જવાનો ગંભીર રીતે ઇજાગ્રસ્ત થયા છે. આ ઘટનાને લઈને વિસ્તારમાં સોંપો પડી ગયો છે.

Heartbroken by the loss of 9 valiant soldiers in Bannu Division, KPK, to a cowardly terrorist act that injured many. Such acts are utterly reprehensible. My thoughts are with the families of the martyred and injured. 🇵🇰 stands resolute against such terror.

— Anwaar ul Haq Kakar (@anwaar_kakar) August 31, 2023

હુમલાખોર બાઇકમાં આવ્યા હતો

પાકિસ્તાન ટેલિગ્રાફના અહેવાલ અનુસાર હુમલાખોર બાઇકમાં આવ્યા હતો. તેણે ખૈબર પખ્તુનખ્વાના માલી ખેલ વિસ્તારમાં સુરક્ષા દળોના કાફલા પર આ વારદાતને અંજામ આપ્યો હતો. આ ઘટનનાને લઈને પાકિસ્તાનના કાર્યવાહક પીએમ અનવર ઉલ હક કાકરે બચુએ દુઃખ વ્યક્ત કર્યું છે. તેમણે પોતાના સોશિયલ મીડિયા હેન્ડલ પર પોસ્ટ મુકતા કહ્યું કે, 'KPKના બન્નું ડિવિઝનમાં થયેલ આતંકવાદી હુમલામાં 9 જવાનોના મોતથી વ્યથિત છું. આ કૃત્ય નિંદનીય છે. મારી સંવેદના મૃતકોના પરિવારજનો અને ઘાયલો સાથે છે.

30 જુલાઈના રોજ થયો હતો આત્મઘાતી હુમલો

આ અગાઉ પણ પાકિસ્તાની સેના પર આત્મઘાતી હુમલો થયો હતો. એકાદ માસ અગાઉ ખૈબર પખ્તુનખ્વા ક્ષેત્રમા જ હુમલાની ઘટના સામે આવી હતી.  30 જુલાઈના રોજ આત્મઘાતી હુમલાખોરે રાજકીય પક્ષની બેઠકમાં ધડાકો કર્યો હતો. આ ઘટનામાં 54 લોકોના મોત થયા હતા અને 100થી વધુ લોકો ઘાયલ થયા હતા.