IPL 2023 / VIDEO: અય્યરની સેન્ચુરી પર SRKની દીકરી સુહાના ખાનનું ખાસ સેલિબ્રેશન થયું વાયરલ, સચિનના દીકરાને ધોયો

• વેંકટેશ અય્યરે આઈપીએલ કરિયરની પહેલી સદી ફટકારી
• 51 બોલમાં 5 ચોગ્ગા અને 9 છગ્ગાની મદદથી 104 રનની શાનદાર સદી
• શાહરૂખ ખાનની દીકરી સુહાના ખાને કર્યું ખાસ સેલિબ્રેશન 

IPL 2023ની ગઇકાલની 22મી મેચમાં કોલકાતા નાઈટ રાઈડર્સને મુંબઈ ઈન્ડિયન્સ સામે 5 વિકેટથી હારનો સામનો કરવો પડ્યો હતો પણ કોલકાતાના બેટ્સમેન વેંકટેશ અય્યરે એક મોટો રેકોર્ડ પોતાના નામે કરી લીધો છે. અય્યરે મુંબઈ ઈન્ડિયન્સ સામે તેની આઈપીએલ કરિયરની પહેલી સદી ફટકારી હતી. નોંધનીય છે કે આ પહેલા બેટ્સમેન બ્રેન્ડન મેક્કુલમે કોલકાતા તરફથી IPLની પહેલી ફટકારી હતી. 

51 બોલમાં 5 ચોગ્ગા અને 9 છગ્ગાની મદદથી 104 રનની શાનદાર સદી
જણાવી દઈએ કે આ મેચમાં ડાબોડી બેટ્સમેન અય્યરે 51 બોલમાં 5 ચોગ્ગા અને 9 છગ્ગાની મદદથી 104 રનની શાનદાર સદી ફટકારી હતી. અંહિયા રસપ્રદ વાત એ છે કે પોતાની સદી સુધી પહોંચ્યા પછી, અય્યરે KKR ડગઆઉટ તરફ ઈશારો કર્યો અને તે બાજુ ઝૂકી ગયો. આ સામે અય્યરની સદી પૂરી થયા પછી શાહરૂખ ખાનની દીકરી સુહાના ખાન જે સ્ટેન્ડમાં હતી, તે આનંદથી ઉછળી પડી હતી અને હાલ તેનો વિડિયો સોશિયલ મીડિયા પર ખૂબ જ વાયરલ થઈ રહ્યો છે. 

2⃣ of the 9⃣ maximums from Venkatesh da's bat#MIvKKR | #AmiKKR | #TATAIPL 2023pic.twitter.com/7YC2tWT3VY

— KolkataKnightRiders (@KKRiders) April 16, 2023

આ સાથે જ અય્યરે મુંબઈથી ડેબ્યૂ કરનાર અર્જુન તેંડુલકરની એ જ ઓવરમાં સિક્સર અને પછી ફોર ફટકારી હતી અને તેના થોડા સમય બાદ તેને ઘૂંટણમાં પણ ઈજા થઈ હતી પણ આ ઈજા તેને રોકી શકી નહીં. ફિઝિયોએ અય્યરની સારવાર કરી અને એ પછી તેણે પોતાની ઇનિંગ ચાલુ રાખી.

💯 for @venkateshiyer! 👏 👏

This has been a stunning knock ⚡️ ⚡️

He has overcome an injury to notch up his maiden IPL TON! 💪 💪

Follow the match ▶️ https://t.co/CcXVDhfzmi#TATAIPL | #MIvKKR | @KKRiders pic.twitter.com/BiNC0gDDbJ

— IndianPremierLeague (@IPL) April 16, 2023

કોલકાતાએ 20 ઓવરમાં 6 વિકેટ ગુમાવીને 185 રન બનાવ્યા
નોંધનીય છે કે બેટિંગ કરતા અય્યરની સદીની મદદથી કોલકાતાએ 20 ઓવરમાં 6 વિકેટ ગુમાવીને 185 રન બનાવ્યા હતા તો બીજી તરફ મુંબઈ તરફથી રિતિક શોકેને સૌથી વધુ 2 વિકેટ ઝડપી હતી. લક્ષ્યનો પીછો કરવા ઉતરેલી મુંબઈની ટીમે ઈશાન કિશનની ધમાકેદાર અડધી સદી (25 બોલમાં 58) અને સૂર્યકુમાર યાદવના 25 બોલમાં 43 રનની મદદથી 17.4 ઓવરમાં મેચ જીતી લીધી હતી. સાથે જ કોલકાતા તરફથી સુયશ શર્માએ સૌથી વધુ 2 વિકેટ ઝડપી હતી તો શાર્દુલ ઠાકુર, વરુણ ચક્રવર્તી અને લોકી ફર્ગ્યુસનને એક-એક વિકેટ મળી હતી.