રિસર્ચ / હાર્ટની બીમારીથી મેળવવો છે છૂટકારો? તો રોજ 50 સીડીઓ ચડવાનું શરૂ કરી દો, પછી જુઓ પરિણામ

• હાર્ટને લઈને નવી સ્ટડી હાલ ચર્ચામાં
• દરરોજ ચડો 50 સીડીઓ
• હાર્ટની બીમારીઓનો ખતરો થશે ઓછો 

એક સ્ટડી અનુસાર દરરોજ 50 સીડીઓ ચડવાથી હાર્ટની બીમારીઓનો ખતરો ઓછો થઈ જાય છે. રિપોર્ટ અનુસાર 50 સીડીઓ ચડવાથી લગભગ 20 ટકા હાર્ટની બીમારીઓનો ખતરો ઓછો થઈ જાય છે. 

સીડીઓ ચડવી હાર્ટ માટે ફાયદાકારક? 
સ્ટ્રેસ, કોરોનરી આર્ટરીની બીમારી, એથેરોસ્ક્લોરોટિક હાર્ટની બીમારી, દુનિયાભરમાં મોતનું કારણ છે. એક રિપોર્ટ અનુસાર ઝડપથી સીડીઓ ચડવી ર્ડિયોરેસ્પિરેટરી ફિટનેસ અને લિપિડ પ્રોફાઈલમાં સુધાર માટે એક સરળ રીત છે. એવા લોકો જે એક્સરસાઈઝ કે જીમ નથી કરતા. એએસસીવીડીની બીમારીથી બચવું છે તો સીડી ચડવું ખૂબ જ સારૂ માનવામાં આવે છે. 

હાર્ટની બીમારીઓનું રિસર્ચ 
રિસર્ચરે રિસર્ચને એક યોગ્ય દિશા આપવા માટે યુકે બાયોબેંકના ડેટાનો ઉપયોગ કર્યો. જેમાં 4,50,000 વયસ્તો શામેલ હતા. તેમાં શામેલ લોકોની હાર્ટની બીમારીની જાણકારી મેળવવા માટે પહેલા તેમને હૃદય રોગના પારિવારિક ઈતિહાસ, જાણીતા જોખમ પરિબળો અને આનુવંશિક જોખમ પરિબળોના આધાર પર મુલ્યાંકન કરવામાં આવ્યું હતું.  

લાઈફસ્ટાઈલ અને સીડીઓ ચડવાની આવૃત્તિ પર એક સર્વેક્ષણ પણ કરવામાં આવ્યું. જેનો સરેરાશ સમયગાળો 12.5 વર્ષ હતો. આ રિસર્ચમાં એવું પણ કહેવામાં આવ્યું છે કે જે વ્યક્તિ દરરોજ વધારેમાં વધારે સીડીઓ ચડે છે તેમને હૃદયની બીમારીનું જોખમ ઓછુ થાય છે. 

આ રિસર્ચ ઈંગ્લેન્ડમાં કર્યુ 
નિષ્ણાંત અનુસાર સીડીઓ ચડવાથી જમીન પર ચાલવાની તુલનામાં વધારે ફાયદો થાય છે કારણ કે વધારે મસલ્સ, સંતુલન અને સકલ મોટર કૌશલના ઉપયોગની જરૂર હોય છે. તે આગળ કહે છે કે સીડીઓ ચડવાથી હૃદય સંબંધી એક્ટિવિટી થાય છે. 

આજ કારણ છે કે આ એક્ટિવિટી કરતી વખતે લોકોને શ્વાસની તકલીફ થાય છે. હકીકતે જ્યારે તમે સીડી ચડો છો તો હાર્ટની એક્ટિવિટી વધી જાય છે તેમાં જરૂરી પ્રમાણમાં ઓક્સીજન પહોંચે છે. જેનાથી હાર્ટની બીમારી, હાર્ટ એટેક અને સ્ટ્રોકનો ખતરો ઓછો થઈ જાય છે અને હાર્ટ સ્વસ્થ્ય રહે છે.