ગાંધીનગર / OBC અનામતની જાહેરાત: કમલમમાં ફટાકડા ફોડીને કરાઇ ઉજવણી, C R પાટીલે CM ભૂપેન્દ્ર પટેલનો માન્યો આભાર, કહ્યું રક્ષાબંધને બે મોટી ગિફ્ટ મળી

• OBC અનામત અંગે CM અને સી આર પાટીલનું નિવેદન
• ભાજપ હંમેશા નાના મોટા લોકોને સાથે લઈને ચાલે છે: CM
• અત્યારે 50 જેટલા ઓબીસી ધારાસભ્ય છે: સી આર પાટીલ

ગુજરાત પંચાયતમાં OBC અનામત અંગે સરકારે જાહેરાત કરી છે. ગુજરાતની સ્થાનિક સ્વરાજ્યની સંસ્થાઓમાં OBC માટે 27 ટકા અનામતની રાજ્ય સરકારની જાહેરાત બાદ  મુખ્યમંત્રી ભૂપેન્દ્ર પટેલ અને પ્રદેશ ભાજપ અધ્યક્ષ સી આર પાટીલનું નિવેદન સામે આવ્યું છે. 

ભાજપ હંમેશા નાના મોટા લોકોને સાથે લઈને ચાલે છે: CM
 CM ભૂપેન્દ્ર પટેલે કહ્યું, ભાજપ હંમેશા નાના મોટા લોકોને સાથે લઈને ચાલે છે, ઓબીસીને 27 ટકા અનામત આપવામાં આવશે, અન્ય જ્ઞાતિઓને અસર ન થાય તેની પણ કાળજી રાખવામાં આવી છે

ગુજરાતની સરકાર ઓબીસી સમાજને સાથે લઈને ચાલે છે: સી આર પાટીલ
સી આર પાટીલે જણાવ્યું કે, ભાજપ હંમેશા ઓબીસી સમાજ સાથે રહી છે, ભાજપમાં અત્યારે લગભગ અત્યારે 50 જેટલા ઓબીસી ધારાસભ્ય છે, તેમણે કહ્યું કે, ગુજરાતની સરકાર ઓબીસી સમાજને સાથે લઈને ચાલે છે,  અગાઉ જે 10 ટકા અનામત આપવામાં આવતી હતી તે યથાવત રહેશે તેમજ 27 ટકા અનામત આપવામાં આવશે. સ્થાનિક સ્વરાજ્યમાં જે ચૂંટણીઓ બાકી છે તે ઝડપથી લેવાશે. તેમણે કહ્યું કે, આ મુદ્દે મુખ્યમંત્રીનો આભાર માનું છું

'રક્ષાબંધન પર દેશની બહેનોને મોટી ભેટ આપી'
વધુમાં સી આર પાટીલે કહ્યું કે, પ્રધાનમંત્રી મોદીએ રક્ષાબંધન પર દેશની બહેનોને મોટી ભેટ આપી છે, કેન્દ્ર સરકારે દેશભરના તમામ LPG સિલિન્ડરના ભાવમાં 200 રૂપિયા ઘટાડવાનો નિર્ણય કર્યો છે. ઉજ્જવલા યોજાનાની બહેનોને પહેલેથી 200 રૂપિયા રાહત આપવામાં આવે છે અને હવે વધારાના 200 રૂપિયા એમ 400 રૂપિયાનો લાભ મળશે. 75 લાખ નવા ઉજ્જવલા કનેક્શન આપવામાં આવશે