કેશોદ / ગેરકાયદે 6 હજાર લીટર જ્વલનશીલ પદાર્થનો જથ્થો મળતા ખળભળાટ, SOG અને સ્થાનિક પોલીસની રેડ, 1 જાપ્તામાં

• કેશોદના અગતરાય નેશનલ હાઇવે પર SOG અને સ્થાનિક પોલીસની રેડ
• ગેરકાયદે વેચાણ કરવામાં આવતો જ્વલનશીલ પદાર્થનો મળ્યો જથ્થો
• હાઇવે પર બંધ પડેલા ડેલામાંથી 6 હજાર લીટર જથ્થો મળી આવ્યો

રાજ્યમાં વધુ એક વાર જ્વલનશીલ પદાર્થ ઝડપાયો છે. જૂનાગઢમાં કેશોદના અગતરાય નેશનલ હાઇવે પર SOG અને સ્થાનિક પોલીસે રેડ પાડી હતી. જ્યાંથી ગેરકાયદે વેચાણ કરવામાં આવતો જ્વલનશીલ પદાર્થનો જથ્થો મળી આવ્યો છે. હાઇવે પર બંધ પડેલા ડેલામાંથી 6 હજાર લીટર જથ્થો મળી આવ્યો છે.

બાતમીને આધારે પોલીસે રેડ પાડી હતી
જ્વલનશીલ પદાર્થ હેરાફેરી કરાતી હોવાની બાતમીને આધારે પોલીસે રેડ પાડી હતી.જ્યાથી પોલીસને 5 લાખની કિંમતનો જ્વલનશીલ પદાર્થ મળી આવ્યો છે જે તમામ કબજે મળેવી વધુ તપાસ હાથ ધરી છે. જેમાં વાહન,ફિલર સહિતના 8 લાખની કિંમતનો મુદ્દામાલ કબજે કર્યો છે. સાથો સાથ અગતરાયગનો અલ્તાફ ગામેતી નામના શખ્સની પણ અટકાયત કરી છે.

પોલીસનું નિવેદન
પોલીસે જણાવ્યું કે, આજે અમે અને એસઓજીની ટીમે અગતરાય પાસે ડેલામાં ગરેકાયદેસર પદાર્થનો વેચાણ તેમજ સ્ટોરેજ છે બાબતની બાતમી મળતા ત્યા તપાસ કરતા 6 હજાર 800 લીટર જ્વલનશીલ પદાર્થ મળી આવ્યો હતો તેમજ એક વાહન, બાઈલર મશીન તેમજ અન્ય કેટલાક સાધનો મળી આવ્યા હતાં. જ્યાંથી 8 લાખ 44 હજાર 500નો મુદ્દા માલ કબજે કર્યો છે તેમજ એક શખ્સની અટકાયત કરી છે.