મહામંથન / સાપ ગયા લિસોટા રહ્યાં' ! બિપરજોયને પગલે હવે ખરો પડકાર, પુનર્વસનની શું ગોઠવણી, રાહતકામની શું સ્થિતિ?

બિપોરજોય વાવાઝોડું સંપૂર્ણ રીતે ગુજરાતમાંથી બહાર નીકળી ગયું છે. પણ તેની પાછળ છોડતું ગયું છે નુકસાનીના દ્રશ્યો. ઉત્તર સૌરાષ્ટ્ર અને કચ્છથી લઈને સાબરકાંઠા, બનાસકાંઠા સુધી બિપરજોય વાવાઝોડાએ કહેર વરસાવ્યો છે.. વૃક્ષો, વીજપોલ, ખેતરોમાં ઉભા પાકને વાવાઝોડાએ ઓથ વાળી દીધો છે. તો વાવાઝોડા બાદ થયેલા વરસાદે કચ્છથી લઈને ઉત્તર ગુજરાતમાં કહેર વરસાવ્યો.
અસરગ્રસ્ત વિસ્તારોમાં રાહત અને બચાવ કામગીરી ચાલુ
પાલનપુર-આબુ અને થરાદ- ડીસા હાઈ-વે પર કેડ સમા પાણી ભરાઈ જતાં વાહનવ્યવહાર ઠપ થઈ ગયો હતો. તો સુકા ભઠ રણમાં નદીઓ સજીવન થઈ હતી. વાવાઝોડું તો કહેર વરસાવી જતું રહ્યું પણ  હવે સરકારે નુકસાનનું નિરીક્ષણ હાથ ધર્યું છે. રાહત અને બચાવ કામગીરી અસરગ્રસ્ત વિસ્તારોમાં ચાલી રહી છે. ત્યારે સવાલ એ છે કે વાવાઝોડું પસાર થયા બાદના પડકારો શું છે. નુકસાનગ્રસ્ત જિલ્લાઓમાં રાહતની કામગીરીની સ્થિતિ શું છે.

કચ્છમાં બાગાયતી પાકને નુકશાન થયું. કેરી, ચીકુ, દાડમનાં વૃક્ષો તૂટી પડ્યા છે. કેરી, ચીકું, દાડમ ખળી પડતા ભારે નુકશાન થયું છે. કચ્છમાં હજારો વીજપોલ ધરાશાયી થયા છે. તેમજ અનેક પેટ્રોલ પંપની છત, હોડિગ્સને નુકશાન થયું છે. અનેક પેટ્રોલ પંપની છત, હોડિગ્સને નુકશાન થયું છે. કાચા મકાનોનો પતરા ઉડી ગયા.  ચારણકા સોલારપાર્કમાં પાણી ફરી વળ્યા છે. સોલારપાર્કમાં  અનેક પેનલો ક્ષતિગ્રસ્ત થઈ છે.
ચારણકા સોલારપાર્કમાં પાણી ફરી વળ્યા
બનાસકાંઠા, પાટણ, સાબરકાંઠામાં ખેડૂતોને નુકશાન થયું છે. દુકાનો, હોટલોનાં શેડ ઉડી ગયા છે. ડીસામાં કોલ્ડ સ્ટોરેજના પતરા ઉડ્યા છે. અગરીયાઓની મહેનત પર પાણી ફળી વળ્યું છે. ત્યારે લાખો ટન મીઠું રણમાં જતા પલળી ગયું છે.  વાવાઝોડા બાદ હવે ક્યાં પડકાર છે. સ્થળાંતરીત કરાયેલા લોકોનું પુનવર્સન કરવું. તેમજ ખોરવાયેલા વીજ પુરવઠો પૂર્વવત કરાયો છે. તેમજ બંધ માર્ગોને ફરી શરૂ કરવા. તેમજ પાણીમાં ગરકાવ હોય તેવા વિસ્તારમાંથી પાણીનો નિકાલ કરવો.  ખેડૂતોને નુકશાન થયું હોય તો તે અંગે સર્વે કરાવવો. તેમજ અસરગ્રસ્તોને સહાયની ચૂકવણી કરવી.