ક્રિકેટ / એશિયા કપની પહેલી મેચમાં જ મોટો ઉલટફેર, પાંચ વખત ચેમ્પિયન શ્રીલંકાને અફઘાનિસ્તાને હરાવ્યું

• એશિયા કપની પહેલી મેચમાં મોટો ઉલટફેર
• અફઘાનિસ્તાને શ્રીલંકાને આપ્યો કારમો પરાજય
• અફઘાનિસ્તાને શ્રીલંકાને આઠ વિકેટથી હરાવ્યું

દુબઈના દુબઈ ઇન્ટરનેશનલ ક્રિકેટ સ્ટેડિયમમાં અફઘાનિસ્તાને ટૉસ જીતીને પહેલા બોલિંગનો નિર્ણય લીધો હતો. તેણે શ્રીલંકાને 19.4 ઓવરમાં 105 રન પર ફિંડળું વાળી દીધું. ત્યારબાદ 10.1 ઓવરમાં 2 વિકેટ પર 106 રન બનાવીને મેચને પોતાના નામે કરી લીધી.

ટી-20માં શ્રીલંકા વિરૂદ્ધ અફઘાનિસ્તાનની આ પહેલી જીત છે. બન્ને ટીમો વચ્ચે આ બીજી ટી-20 મેચ હતી. આ પહેલા 2016માં કોલકાતામાં એકમાત્ર ટી-20 બન્ને વચ્ચે મેચ રમાઈ હતી. ત્યારે શ્રીલંકાએ 6 વિકેટથી મેચને પોતાના નામે કરી લીધી. આઈસીસી રેન્કિંગને જોતા શ્રીલંકા આઠમાં અને અફઘાનિસ્તાન 10માં સ્થાન પર છે. પોતાની ઉંચી રેન્કિંગ વાળી ટીમને હરાવવા પર અફઘાનિસ્તાનનો વિશ્વાસ વધી ગયો. આ ટૂર્નામેન્ટમાં ભારત, પાકિસ્તાન અને બાંગ્લાદેશ જેવી ટીમ માટે મુશ્કેલી ઉભી થઇ શકે છે.

શ્રીલંકાના ત્રણ બેટ્સમેન જ ડબલના આંકડા સુધી પહોંચી શક્યા
શ્રીલંકા માટે માત્ર ત્રણ બેટ્સમેન ડબલના આંકડા સુધી પહોંચી શક્યા. ભાનુકા રાજપક્ષેએ સૌથી વધુ 38 રન બનાવ્યા. 29 બોલની ઇનિંગમાં તેમણે પાંચ ચોગ્ગા અને એક છગ્ગો લગાવ્યો. ચમિકા કરૂણારત્નેએ 38 બોલ પર 31 અને દનુષ્કા ગુણતિલકાએ 17 બોલ પર 17 રન બનાવ્યા.

શ્રીલંકાના 3 બેટ્સમેનના 5 રન
શ્રીલંકાના ઓપનર બેટ્સમેન પથુમ નિસાંકા 3 અને કુશલ મેન્ડિસ 2 રન બનાવીને આઉટ થયા. ત્યારે ત્રણ નંબર પર ઉતરેલા અસાલંકા ખાતુ પણ ખોલી ન શક્યા. આ રીતે ત્રણ બેટ્સમેનોના કુલ 5 રન જ બનાવી શક્યા. કેપ્ટન દાસુન શનાકા અને મહીશ તીક્ષણા પણ શૂન્ય પર આઉટ થયા. મથીશા પાથિરાનાએ પાંચ, વાનિંદુ હસરંગાએ બે અને દિલશાન મદુશંકાએ અણનમ એક રન બનાવ્યા.

ફઝહલહકનો કહેર
અફઘાનિસ્તાન માટે ફઝહલબક ફારૂકી 3.4 ઓવરમાં 11 રન આપીને 3 વિકેટ ઝડપી. મુજીબ ઉર રહમાન અને કેપ્ટન મોહમ્મદ નબીને 2-2 સફળતા મળી. નવીન ઉલ હકે એક વિકેટ પોતાના નામે કરી. રાશિદ ખાનને પણ એક સફળતા મળી.

અફઘાનિસ્તાનમાં 61 બોલમાં જ જીતી મેચ
106 રનના લક્ષ્યને અફઘાનિસ્તાને 10.1 ઓવરમાં જ હાસલ કરી લીધી. તેના ઓપનર રહમનુલ્લાહ ગુરબાજ અને હજરતુલ્લાહ જજઈએ તોફાની શરૂઆત કરી. બન્નેને 6.1 ઓવરમાં જ 83 રનોની ભાગીદારી કરી લીધી. ગુરબાજ આઉટ થનારા પહેલા બેટ્સમેન રહ્યા. તેઓ 18 બોલ પર 40 રન બનાવીને વાનિંદુ હસરંગાના બોલ પર બોલ્ડ થયા. ગુરબાજે ત્રણ ચોગ્ગા અને ચાર છગ્ગા લગાવ્યા. તેમનો સ્ટ્રાઇક રેટ 222.22નો રહ્યો. જજઈ 28 બોલ પર 37 રન બનાવીને અણનમ રહ્યા. ઇબ્રાહિમ જાદરાને 15 અને નજીબુલ્લાહ જાદરાન અણનમ 2 રન બનાવ્યા.

બાંગ્લાદેશથી રમશે હવે બન્ને ટીમો
અફઘાનિસ્તાનની બીજી મેચ 30 ઓગસ્ટે બાંગ્લાદેશ સાથે થશે. ત્યારે, શ્રીલંકા પણ પોતાની બીજી મેચમાં બાંગ્લાદેશ સામે જ એક સપ્ટેમ્બરે રમશે.