T20 વર્લ્ડ કપ / 6,6,6,6... ઈશાન કિશને નામિબીયા સામેની મેચમાં કરી ધુઆધાર બેટિંગ, તોફાની ઈનિંગથી અનેક રેકોર્ડ્સ

ગુરુવારે 12 ફેબ્રુઆરીના રોજ નામિબિયા સામે ICC મેન્સ T20 વર્લ્ડ કપ 2026 ની 18મી મેચમાં ભારતીય ઓપનર ઇશાન કિશને શાનદાર ઇનિંગ રમી હતી. જેમાં ઇશાને માત્ર 24 બોલમાં 61 રન બનાવ્યા હતા. જેમાં 6 ચોગ્ગા અને 5 છગ્ગાનો સમાવેશ થાય છે. ઇશાન શરૂઆતથી જ આક્રમક મોડમાં દેખાયો અને નામિબિયાના બોલરોને હતાશ કર્યા. ઇશાને માત્ર 20 બોલમાં પોતાની ફિફ્ટી પૂરી કરી હતી.

ઇશાન કિશને છઠ્ઠી ઓવરમાં જેજે સ્મિત બરાબરનો ધોયો હતો. જેમાં તેને પહેલા બોલમાં કોઈ રન બનાવ્યો નહતો પરંતુ પછી સતત 4 છગ્ગા ફટકાર્યા હતા. તેને છેલ્લા બોલ પર ફોર માર્યો હતો. ઇશાને જેજે સ્મિતની ઓવરમાં કુલ 28 રન બનાવ્યા હતા જે T20 વર્લ્ડ કપ મેચમાં એક જ ઓવરમાં ભારતીય બેટ્સમેન દ્વારા બનાવેલા રનની બીજી સૌથી વધુ રન છે.

આ સાથે ઇશાન કિશને રોહિત શર્માની બરાબરી કરી હતી જેણે 2024ના  T20 વર્લ્ડ કપમાં ઓસ્ટ્રેલિયન બોલર મિશેલ સ્ટાર્કને 28 રન ફટકાર્યા હતા. આ સંદર્ભમાં યુવરાજ સિંહ ટોપ પર  છે જેને 2007ના T20 વર્લ્ડ કપમાં ઇંગ્લિશ બોલર સ્ટુઅર્ટ બ્રોડને એક ઓવરમાં સતત 6 છગ્ગા ફટકાર્યા હતા અને એક ઓવરમાં 36 રન બનાવ્યા હતા.

T20 વર્લ્ડ કપમાં ભારત માટે સૌથી ઝડપી હાફ સેન્ચુરી ફટકારનારાઓની યાદીમાં ઇશાન કિશન હવે ચોથા ક્રમે આવ્યો છે. T20 વર્લ્ડ કપમાં ઇશાન કરતાં ફક્ત યુવરાજ સિંહ, કેએલ રાહુલ અને રોહિત શર્માએ જ ઝડપી હાફ સેન્ચુરી ફટકારી છે. ઇશાન ટી20 વર્લ્ડ કપ મેચમાં પાવરપ્લેમાં પોતાની હાફ સેન્ચુરી ફટકારનાર ત્રીજો ભારતીય બેટ્સમેન બન્યો છે. ઇશાન પહેલા માત્ર રોહિત શર્મા અને કેએલ રાહુલ જ આવું કરી શક્યા હતા. ઇશાન ટી20 વર્લ્ડ કપમાં હાફ સેન્ચુરી ફટકારનાર પ્રથમ ભારતીય વિકેટકીપર પણ બન્યો છે.

• T20 વર્લ્ડ કપમાં ભારત માટે સૌથી ઝડપી હાફ સેન્ચુરી

1. 12 બોલ - યુવરાજ સિંહ vs ઈંગ્લેન્ડ, ડરબન, 2007
2. 18 બોલ - કેએલ રાહુલ vs આયર્લેન્ડ, દુબઈ, 2021
3. 19 બોલ - રોહિત શર્મા vs ઓસ્ટ્રેલિયા, ગ્રોસ આઇલેટ, 2024
4. 20 બોલ - યુવરાજ સિંહ vs ઓસ્ટ્રેલિયા, ડરબન, 2007
5. 20 બોલ - ઇશાન કિશન vs  નામિબિયા, દિલ્હી, 2026
   

• ટી20 વર્લ્ડ કપ મેચમાં ભારત માટે ફિફટી (પાવરપ્લે)

1. 51*(21) - રોહિત શર્મા vs ઓસ્ટ્રેલિયા, ગ્રોસ આઇલેટ, 2024;
   
2. 50(19) - કેએલ રાહુલ vs સ્કોટલેન્ડ, દુબઈ, 2021;
   
3. 50(20) - ઇશાન કિશન vs નામિબિયા, દિલ્હી, 2026
   

આ મેચમાં ભારતીય ટીમે માત્ર 6.5 ઓવરમાં 100 રન પૂરા કર્યા હતા. આ T20 વર્લ્ડ કપના ઇતિહાસમાં સૌથી ઝડપી ટીમની સદી હતી. આ પહેલા નેધરલેન્ડ્સે 2014 માં સિલહટ ખાતે આયર્લેન્ડ સામે 7 ઓવરમાં આ સિદ્ધિ મેળવી હતી.

• T20 વર્લ્ડ કપમાં સૌથી વધુ સ્કોર (પાવરપ્લે)
  

1. 92/1 - વેસ્ટ ઈન્ડિઝ vs અફઘાનિસ્તાન, ગ્રોસ આઈલેટ, 2024
2. 91/1- નેધરલેન્ડ્સ vs આયર્લેન્ડ, સિલહટ, 2014
3. 89/3 - ઇંગ્લેન્ડ vs દક્ષિણ આફ્રિકા, વાનખેડે, 2016
4. 86/1 - ભારત vs  નામિબિયા, દિલ્હી, 2026
   

• ભારતનો સૌથી વધુ પાવરપ્લે સ્કોર (ટી20)

1. 95/1 વિરુદ્ધ ઇંગ્લેન્ડ, વાનખેડે, 2025
2. 94/2 વિરુદ્ધ ન્યુઝીલેન્ડ, ગુવાહાટી, 2026
3. 86/1 વિરુદ્ધ નામિબિયા, દિલ્હી, 2026
4. 82/2 વિરુદ્ધ સ્કોટલેન્ડ, દુબઈ, 2021
5. 82/1 વિરુદ્ધ બાંગ્લાદેશ, હૈદરાબાદ, 2024
   

વધુ વાંચો : IND vs NAM : બીજી T20 માં ભારતે નામિબિયાને 93 રને હરાવ્યું, ઈશાન અને હાર્દિક પંડ્યા ચમક્યા

• ટી20માં ભારત માટે પાવરપ્લે હાફ સેન્ચુરી

1. અભિષેક શર્મા (ત્રણ વખત)
2. રોહિત શર્મા (બે વાર)
3. ઈશાન કિશન (બે વાર)
4. કેએલ રાહુલ (એક વાર)
5. યશસ્વી જયસ્વાલ (એક વાર)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ