હાલાકી / આવતીકાલે ભૂલથી RTO ન પહોંચી જતા, ગુજરાતભરમાં બંધ રહેશે આ ટેસ્ટ ટ્રેક, તો એપોઇન્ટમેન્ટનું શું?"

અમદાવાદની વાત કરવામાં આવે તો શહેરના ત્રણ RTOમાં 500થી વધુ અરજદારોની અરજીને આજે રદ કરવામાં આવી હતી. આરટીઓના કામ માટે લોકો રજા લઈને, કામ-ધંધા બંધ રાખીને ડ્રાઈવિંગ ટેસ્ટ આપવા માટે અને પાર્સિંગ સહિતની કામગીરી માટે આવતા હોય છે. ત્યારે દર વખતની જેમ ફરી RTOનું સર્વર ડાઉન થવાને કારણે અરજદારોને હાલાકી વેઠવાની વારી આવી છે.

RTOના ઠાગાઠૈયા

અનેક વખત ગુજરાત હાઈકોર્ટ દ્વારા ઝાટકણી છતાં RTOના ઠાગાઠૈયા જોવા મળી રહ્યા છે. આજ રોજ વાહન વ્યવહાર કમિશનરે ટ્રેક બંધ કરવાની જાહેરાત કરી હતી. અને ટેક્નિકલ ખામી હોવાથી ટેસ્ટ બંધ કરાયા હોવાનું જણાવ્યું હતું.

આ પણ વાંચોઃ ભાજપ નેતાની નિમણૂકથી ગુજરાત યુનિવર્સિટીમાં વિવાદ, GCCIએ ઉઠાવ્યા સવાલ

ત્યારે 3થી 5 ઓકટોબર સુધી આરટીઓના હજારો ટેસ્ટ બંધ કરવામાં આવ્યા છે. જેમા્ આ દિવસોના અરજદારોની એપાઈન્ટમેન્ટને રી-શિડયુલ કરવામાં આવશે. જેને લઇ વધુ એકવાર અરજદારોને હાલાકી વેઠવાની વારી આવી છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ